तिलाठी गाउँपालिकाद्धारा सुपथ मूल्यको खाद्यान्न घुम्ती पसल

◊ धीरुभाइ

१५ बैशाख सप्तरी । कोरोना भाइरसको रोकथाम तथा नियन्त्रणका लागि जारी लकडाउनको पालना गर्न घरमा बसेका जनतालाई लक्षित गरी सप्तरीको तिलाठी कोइलाडी गाउँपालिकाले सुपथ मूल्यको खाद्यान्न घुम्ती पसल सञ्चालन गरेको छ । गाउँपालिकावासीलाई दैनिक उपभोग्य सामग्रीको अभावलाई पूर्ती गर्न सो पसल सञ्चालन गरिएको हो । सप्तरीमा यस्तो घुम्ती पसल सञ्चालन भएको पहिलो हो ।

गाउँपालिका अध्यक्ष सतिशकुमार सिंहका अनुसार गाउँपालिकाले बजारबाट थोक मूल्यमा दैनिक उपभोग्य सामग्री खरिद गरी वडाहरुमा मूल्य सूचीसहितको बिक्री गर्न शुरुवात गरिएको छ । गाउँपालिकावासीलाई दैनिक उपभोग्य वस्तुको अभाव हुन नदिन सुपथ मूल्यको घुम्ती पसल सञ्चालन गरिएको अध्यक्ष सिंहले बताए ।

गाउँपालिकाको वडा नं. १ तिलाठीबाट शुक्रबादेखि सञ्चालन गरिएको घुम्ती पसल सबै वडामा पु¥याइनेछ । गैर नाफामुलक उद्देश्यले पसल सञ्चालन गर्दा उपभोक्तामा खुशी देखिएको गाउँपालिकाका विपद् ब्यवस्थापन अधिकृत राजेशकुमार झाले बताए ।

लकडाउनका कारण बजार जाने अवस्था छैन, गाउँको पसलमा सामान पाइदैन तिलाठीका सन्तोष झाले भने, बजारमा पाइने मूल्यमा गाउँमै सामान उपलब्ध हुँदा खुशी लागेको छ । घरैसम्म सामान पु¥याउने सकारात्मक सोच बोक्नुभएका गाउँपालिका अध्यक्षलाई धन्यवाद दिदै उहाँले लकडाउन लागू गरेर मात्र हुदैन, जनताको समस्या पनि गाउँपालिकाले बुझेको महशुस भएको छ ।