साइबर कानुनको आरोप लागेका पूर्वसचिव उपाध्याय २५ हजार धरौटीमा रिहा

१५ बैशाख, काठमाडौं । प्रधानमन्त्री केपी ओली एवं सरकारका गलत क्रियाकलाप समाजिक सञ्जाल फेसबुक र टुवीटरमा लेखेको आरोपमा साइबर कानुनको मुद्धा लगाइएका पूर्वसचिव भीम उपाध्याय २५ हजार धरौटीमा रिहा भएका छन् ।

प्रहरीको साइबर क्राइम व्युरोले उनलाई गत हप्ता मध्यरातमा कुसुन्तीस्थित घरबाटै पक्राउ गरि थुनामा राखेर अनुसन्धान गरेको थियो । प्रहरीले आज जिल्ला अदालत काठमाडौंमा मुद्धा बुझाए लगत्तै भएको थुनछेक बहसपछि अदालतले २५ हजार धरौटीमा छोड्ने आदेश दिएको हो । धरौटी बुझाएर उपाध्याय रिहा भएका छन् ।

प्रहरीले सत्तारुढ दलका गलत क्रियाकलापको धुवाँधार बिरोध गरेको आरोपमा बिद्युतीय कारोबार ऐनको गलत प्रयोग गर्दै पक्राउ गरेको बिरोधमा नेपाली कांग्रेस, तरुण दल, नेविसंघ लगायतका विभिन्न संघसंस्था र नागरिक समाजले सरकारको चर्को आलोचना गर्दै उनको बिना शर्त रिहा हुनुपर्ने आवाज उठाएका थिए ।

सञ्चारमाध्यामदेखि सामाजिक सञ्जालबाट समेत उपाध्यायको गैह्कानुनी गिर्फतारीको चर्को बिरोध भएको थियो । नालायक र निकम्मा सरकारले आफ्ना बिरोधी तह लगाउन पूर्वसचिव उपाध्यायलाई पक्राउ गरेर निरंकुशतातर्फ उद्यत भएको आरोप ओली सरकारमाथि लागेको थियो ।