ओलीको नयाँ फण्डा

१८ बैशाख, काठमाडाैं । नेपाली राजनीतिमा उखान टुक्का मात्र होइन नयाँ नयाँ फण्डा तयार गर्ने नेता हुन्–खड्गप्रसाद ओली । हिजो उनले आफ्नो परिचय त्यही पेरिफेरिमा दिए । धेरैको अनुमान विपरित ओलीले हिजो साँझको सचिवालय बैठकमा नयाँ फण्डा ल्याए – अबको प्रधानमन्त्री कमरेड बामदेव गौतम ।

बैठक साढे पाँच बजे शुरु भयो । ओलीले आफू केही नबोल्ने भन्दै विषय प्रवेश गराउन अर्का अध्यक्ष पुष्पकमल दाहाल प्रचण्डलाई समय दिए । प्रचण्ड धाराप्रवाह बोल्न थाले । शुरुमा केही नरम शैलीमा प्रस्तुत भएका प्रचण्ड पछि भने आक्रामक रुपमा देखिए । पार्टी एकता भन्दा विभाजनतर्फ ओली अग्रसर भएको, आपूmलाई दोस्रो दर्जाको अध्यक्ष बनाएको जस्ता नानाथरिका आरोप लगाए ।

अनि स्वाट्ट अगाडि सरेर ओलीले भने– ल भो अब, बुझियो तपाईंको कुरा । मेरो प्रस्ताव सुन्नुहोस् । हामी समकालिन नेताहरु सबै जसो प्रधानमन्त्री भइसक्यौं । तपाईंहरुलाई मेरो नेतृत्व मन परेन भने, कोरोनाको महामारी सकिने वित्तिकै बामदेव कम्रेडलाई प्रधानमन्त्री बनाउँ । साथै माधव कमरेडको पनि इच्छा पूरा गरौं । उहाँलाई तेस्रो अध्यक्ष बनाउँ न त ।त्यसपछि सबै परे ट्वाँ । कसैले नचिताएको प्रस्ताव ओलीले गरे । बामदेव गौतम पनि ओलीको प्रस्तावबाट पुलुकित भए ।

ओलीसँग लामो संगत गरेका वाम नेता आर के मैनाली भन्छन्– समस्या आएपछि ओलीले सधैं नयाँ नयाँ फण्डा झिक्छन्, अहिले पनि त्यही गरे ।नेकपाका सबै नेता पद र शक्तिको भोका छन्,त्यो कुरा ओलीजीलाई थाहा नहुने कुरै भएन, पूर्व बाम नेता मैनाली भन्छन्– ओलीले सबैलाई थाङ्नामा सुताई दिन्छन् ।

प्रधानमन्त्री समेत रहेका पार्टी अध्यक्ष ओलीको यस्तो प्रस्तावले सचिवालय बैठकमा एकछिन त सन्नाटा छायो । लगत्तै प्रतिवाद गरे गृहमन्त्री रामबहादुर थापाले । अहिले सरकारको विकल्प खोज्नेतिर नलागौं । बामदेव कम्रेडलाई प्रधानमन्त्री बनाउनेतिर लागियो भने अर्काे अस्थिरता शुरु हुन्छ । बरु पावर शेयरिङ गरेर जनतालाई उत्साहित बनाउँ ।

झलनाथ खनाल चाहिं कुनैपनि हालतमा स्थायी कमिटी बैठक बसेर मात्रै समाधान निकाल्नुपर्ने पक्षमा देखिए । ओलीको नयाँ कार्ड आएपछि सबैभन्दा गाह्रो माधव नेपाललाई परेको छ । उनी ओलीलाई प्रधानमन्त्रीबाट भन्दा अध्यक्ष पदबाट विस्थापित गराउन चाहन्छन् । पार्टी नेतृत्व हातमा आएपछि सरकारलाई लगाम लगाउन सकिने उनको विश्वास छ । सबै नेताको नाडी छामेका ओलीले यस्तो प्रस्ताव ल्याएपछि थप गृहकार्य गर्न दुई दिनको समय मागियो । अब आगामी शनिबार सचिवालयको अर्काे बैठक बस्ने निधो गरी नेताहरु घरतिर लागे ।

प्रधानमन्त्री ओलीको पछिल्लो प्रस्ताव धेरैलाई अनौठो लागेपनि केही नेताहरु भने स्वभाविक ठान्छन् । ओलीसँग लामो संगत गरेका वाम नेता आर के मैनाली भन्छन्– समस्या आएपछि ओलीले सधैं नयाँ नयाँ फण्डा झिक्छन्, अहिले पनि त्यही गरे ।नेकपाका सबै नेता पद र शक्तिको भोका छन्,त्यो कुरा ओलीजीलाई थाहा नहुने कुरै भएन, पूर्व बाम नेता मैनाली भन्छन्– ओलीले सबैलाई थाङ्नामा सुताई दिन्छन् ।

सबैभन्दा धेरै पदप्रतिको आशक्ति र लोभ बामदेवमा रहेको उनको बुझाई छ । भन्छन्– बामदेव कार्डबाट ओलीले आफ्नो रक्षाकवच तयार गरेका छन् । अबको केही समय यसै मुद्धामा नेकपा अल्झिरहन्छ । तर नेकपा स्थायी कमिटी सदस्य समेत रहेका नेता भीम रावल भने परिस्थिति सहज नभएको ठान्छन् । अब कसैलाई ललीपप देखाएको भरमा शासन सत्ता लम्ब्याउँछु भन्ने नठाने हुन्छ – उनले भने ।

संविधान र व्यवहार दुबै अर्थमा अहिले बामदेव कम्रेड प्रधानमन्त्री बन्न असम्भव रहेको तर्क गर्दै उनले भने – नेताहरुलाई पदलोलुप देखाएर गलत कामको ढाकछोप गर्ने कुरा अब सम्भव छैन । तर ओलीले प्रस्ताव गरेको दुई बुँदाले राजनीतिलाई नयाँ बहसमा भने धकेलेको उनले पनि स्वीकार गरे ।