अमेरिकामा कोरोनाबाट ज्यान गुमाउनेको संख्या ६५ हजार नाघ्यो

२० बैशाख, एजेन्सी । अमेरिकामा कोरोना भाइरसबाट संक्रमित हुनेको संख्या ११ लाख भन्दा बढी पुगेको छ। जोन हप्किन्स विश्वविद्यालयलको कोरोना भाइरस स्रोत केन्द्रका अनुसार अमेरिकामा संक्रमितको संख्या ११ लाख ३१ हजार ४ सय ५२ पुगेको छ।

यस्तै कोभिड–१९ बाट ज्यान गुमाउनेको संख्या अमेरिकामा ६५ हजार ७ सय भन्दा बढी भएको छ। महामारीमा अमेरिकाको इपिसेन्टर न्यूयोर्कमा सबैभन्दा धेरै २४ हजार भन्दा बढीको मृत्यु भएको छ।

यस्तै न्यूयोर्कमा संक्रमितको संख्या तीन लाख ८ हजार भन्दा बढी रहेको छ । त्यसपछि न्यूजर्सीमा संक्रमितको संख्या एक लाख २१ हजार भन्दा बढी र मृत्यु हुनेको संख्या सात हजार पाँच सय भन्दा बढी रहेको छ ।

विश्वभर संक्रमितको संख्या ३४ लाख भन्दा बढी पुग्दा कोभिड–१९ बाट दुई लाख ३९ हजार ६ सय ४ जनाको मृत्यु भएको छ । भने १ लाख ८१ हजार भन्दा धेरै उपचारपछि निकाे भएका छन् ।