मन्त्रिपरिषद बैठक अचानक बालुवाटारमा शुरु

२१ बैशाख, काठमाडौं । अचानक आइतबार दिउँसो मन्त्रिपरिषद बैठक प्रधानमन्त्री निवास बालुवाटारमा सुरु भएको छ । मन्त्रिपरिषदबारे कुनै परामर्श र छलफल नभई एक्कासी प्रधानमन्त्री केपी शर्मा ओलीले मन्त्रीहरुलाई बोलाएर बालुवाटारमा बैठक शुरु भएको प्रधानमन्त्रीका प्रेस सल्लाहकार सुर्य थापाले जनाएका छन् ।

बैठकमा जेठ १५ गते ल्याइने बजेट र आगामी संसदको बजेट अधिवेशन बोलाउनेबारे छलफल भइरहेको बालुवाटार स्रोतले जनाएको छ । बैठकमा सरकारको आगामी नीति तथा कार्यक्रमबारे पनि छलफल चलिरहेको छ ।