पौवादुङ्मामा चट्याङले पाँच जना घाइते

३० बैशाख, भोजपुर । अविरल वर्षात्संँगै आएको चट्याङले आज अपराह्न पौवादुङ्मा गाउँपालिकामा पाँच घाइते भएका छन् ।

घाइते हुनेमा वडा नं २ तिवारीभञ्याङका ३५ वर्षीय टीकाराम खड्का र उनकी छोरी १२ वर्षीया अस्मिता, ६१ वर्षीय रामकुमारी खत्री, ३२ वर्षीय दिनेश खत्री र ३० वर्षीय बुद्धिमान दर्जी रहेको जिल्ला प्रहरी कार्यालयले जनाएको छ ।

घाइते सबैको स्थानीय रोशन मेडिकल हलमा उपचार भइरहेको प्रहरीको जनाएको छ । चट्याङका कारण घरमा रहेका विभिन्न विद्युतीय उपकरणमा समेत क्षति पुगेको छ ।