यशोदादेवी भगवानसिंह केसी मेमोरियल ट्रस्टद्वारा सप्तरी जिल्लालाई स्वास्थ्य सामग्री

३१ बैशाख, नुवाकोट । सामाजिक क्षेत्रमा निरन्तर क्रियाशिल संस्था यशोदादेवी भगवानसिंह केसी मेमोरियल ट्रस्टले सप्तरीमा स्वास्थ्य सामाग्री वितरण गरेको छ ।

कोरोना भाइरसको महामारी रोकथाम तथा नियन्त्रणका लागि केसी मेमोरियल ट्रस्टले सप्तरीका लागि एक कार्यक्रमबीच माननीय संविधानसभा सदस्य सक्कलदेव सुतियारमार्फत कोरोनासम्बन्धी स्वास्थ्य सामग्री वितरण गरेको हो ।

कोरोनासम्बन्धी स्वास्थ्य सामग्री वितरणमा नेपाली कांग्रेसका नेता एवं ट्रस्टका प्रमुख संरक्षक अर्जुननरसिंह केसीको उपस्थितिमा सप्तरी जिल्लालाई एकहजार थान माक्स र एक हजार थान साबुन ट्रस्टका अध्यक्ष डा. केदारनरसिंह केसीले हस्तान्तरण गरेका हुन् । सो अवसरमा संस्थाका ‘महासचिव’ तथा नेका नुवाकोट सभापति जगदीश्वर नरसिंह केसीको उपस्थित थियो । डा. केदार नरसिंह केसीकी छोरी स्वर्णिमा केसीको सकृयतामा उक्त सामग्री उपलब्ध गराइएको हो ।

यो विपत्तिको घडीमा यशोदादेवी भगवानसिंह केसी मेमोरियल ट्रस्टले अन्य जिल्लाहरुमा समेत अति आवश्यक स्वास्थ सामग्रीहरु विभिन्न चरणमा उपलब्ध गराई सहयोग गर्दै आईरहेकाे छ् ।

यसैबीच, सामाजिक क्षेत्रमा निरन्तर क्रियाशील संस्था यशोदादेवी भगवानसिंह केसी मेमोरियल ट्रस्टले लमजुङ जिल्लाकाे मर्स्याङ्दी गाउँपालिकामा कोरोनासम्बन्धी स्वास्थ्य सामग्री वितरण गरेको छ।

नेपाली कांग्रेसका नेता एवं ट्रस्टका प्रमुख संरक्षक अर्जुननरसिंह केसीको उपस्थितिमा लमजुङको मर्याङ्दी गाउँपालिका प्रतिनिधि शिक्षक संघका सभापति श्याम थापालाई ज्वरो नाप्ने डिजिटल थरमामिटर सोमबार हस्तान्तरण गरेकाे हो ।

यशोदादेवी भगवानसिंह केसी मेमोरियल ट्रस्टले ट्रस्टका अध्यक्ष डा. केदारनरसिंह केसीले हस्तान्तरण गरेका हुन् । सो अवसरमा संस्थाका महासचिव तथा नेका नुवाकोट सभापति जगदीश्वर नरसिंह केसीको पनि उपस्थित थियो ।