आगामी आर्थिक वर्षभित्र २ वटा आन्तारिक विमानस्थलको काम सकिने

२ जेठ, काठमाडौं । त्रिभुवन अन्तराष्ट्रिय विमानस्थललाई आगामी वर्ष पूर्ण रुपमा बुटिक विमानस्थलको रुपमा सञ्चालन गरिने भएको छ । राष्ट्रपति विद्यादेवी भण्डारीले शुक्रबार २०७७/७८ को नीति तथा कार्यक्रम प्रस्तुत गर्दै सो कुरा बताएकी हुन् ।

४० वर्षपछि विमानस्थलको धावनमार्ग पुनःनिर्माण गरिएको बताउँदै राष्ट्रपति भण्डारीले आगामी वर्ष पूर्णरुपमा बुटिक विमानस्थलका रुपमा सञ्चालन गर्ने बताइन् । त्यस्तै गौतमवुद्ध अन्तराष्ट्रिय विमानस्थल आगामी वर्षदेखि सञ्चालनमा आउने र पोखरा विमानस्थलको काम भैरहेको र आगामी आर्थिक वर्षमा सञ्चालनमा ल्याउनेगरी काम भैरहेको बताइन् ।

त्यस्तै प्रस्तावित निजगढ विमानस्थलको काम प्रारम्भ गर्ने समेत उनले बताइइन् । त्यस्तै थप ८ वटा आन्तारिक विमानस्थलको धावनमार्ग कालोपत्रे गरिएको जनाउँदै आठवटा आन्तारिक विमानस्थलबाट रात्रीकालिन उडान र अवतरण सुरु भएको राष्ट्रपति भण्डारीले बताइन् ।

आगामी आर्थिक वर्षभित्र २ वटा आन्तारिक विमानस्थलको काम सम्पन्न गर्ने पनि उनले बताइन् । काभ्रे र तेह्रथुमको चुहानडाँडामा आन्तारिक विमानस्थलको काम अघि बढाइने उनको भनाई छ ।