राहत वितरण विवादका कारण फेरि वडा कार्यालयमा तालाबन्दी र धर्ना
नेपालबहस संवाददाता
जेठ ४, २०७७ आइतबार २३:५९:५८
धीरुभाइ
४, जेठ सप्तरी । राहत वितरण अनियमितता सम्बन्धमा कुनै प्रकारको कारबाही नभएको भन्दै सप्तरीको बोदे बर्साईन नगरपालिका १ को वडा कार्यालयमा आइतबार फेरि तालाबन्दी गरेको छ । राहत वितरणमा अनियमितता गरेर आफन्त र समर्थकलाई राहत बाँडेको भन्दै स्थानीय सर्वदलीय समितिले वडा अध्यक्ष धीरेन्द्र यादवको कार्य कक्षमा तालबन्दी गरेर वडा कार्यालय अगाडी धर्ना बसेका छन । यसअघि गत शुक्रबार वडाध्यक्ष उपर कारबाहीको माग गर्दै तालाबन्दी र प्रदर्शन गरेको थियो ।
२९ बैशाखमा वडा अध्यक्ष यादवले धनगढीमा राती नौ बजेको समयमा आफन्त र समर्थकहरुलाई राहत वितरण गरेपछि उनीहरु आक्रोसित भएको बताइएको छ । वडाध्यक्ष यादवले रातीको समयमा आफ्ना समर्थक र आफन्तहरुलाई राहत वितरण गरेपछि त्यसको भोली पल्ट स्थानीय दलित, विपन्नहरुले वडा कार्यालय घेराउ गरेको स्थानीय धर्मदेव साहले जानकारी दिए ।
दलितको कुरा नसुनेपछि सर्वदलीय समितिको अगुवाइमा जेठ २ गते तालाबन्दी गरी प्रदर्शन गरेको उनले तरपनि कुनै सुनुवाई नभएपछि आज फेरि तालाबन्दी गरी धर्ना बसेको बताए । दलित, विपन्न, गरिब, असशक्तलाई राहत वितरण विवरणमा समावेश गर्नसमेत माग गरेको छ ।
प्रदेश नम्बर २ सरकारको सहयोगमा सो वार्डको लागि बोदे बर्साईन नगरपालिकाबाट चार सय राहत प्याकेटमध्ये स्थानीय प्रहरीको उपस्थितिमा तीनसय जति परिवारलाई वितरण गरी बाँकी भोली राहत वितरण भनेर तत्काल बाँड्न बन्द गरेको आन्दोलनरत पक्षले उक्त समयमा पुगेलाई राहतै नदिई फर्काए थिए । र, राती ९ बजे वितरण गरी अनियमितता गरेको, राहत सूचीमा नाम रहेकालोई राहत नदिएको र सूचीमा नामै नरहेकालाई रातीको समयमा राहत बाडेको आरोप छ ।
त्यस्तै स्थानीय अशक्त ६० वर्षीय नेवी यादवले राहत सम्बन्धमा प्रदेश सरकारले जारी गरेको कार्यविधिले तोकेको सर्वदलिय समिति नबाई आफुखुशी सर्वदलिय समितिको अनुपस्थितिमा समर्थक, आफन्तलाई राहत लुकिछिपी रातीको समयमा वितरण गरेकोले विरोधमा उत्रिएको बताए । मजदुर राजविर यादव, सुरेश साह, जिवछी देवी लगायतले राहत माग गर्दा वडाध्यक्षले उल्टै धम्काउने गरेको बताए ।
नेपाली काँग्रेसका बुथ कमिटि सभापति दिनेशकुमार यादव, स्थानीय नेपाल कम्युनिष्ट पार्टीका पुरन सदाय, तत्कालीन समाजवादी पार्टीका शक्ति यादव, राजपाका हिरालाल यादव, जनमतका प्रदिप साह, तत्कालीन धनगढी गाविसका पूर्व अध्यक्ष रामशिष यादव, नेपाली काग्रेस क्षेत्रीय सचिव राजेन्द्र साफी, युवा सुर्यनाथ यादव, युवा धर्मदेव साह सहित पार्टी प्रतिनिधिहरु तालाबन्दी गरेर धर्नामा बसेका छन । राहत वितरणमा भएको अनियमितता छानविन गरी दोषी उपर कारबाहीको माग गर्दै वास्तविक लकडाउन प्रभावितलाई राहत दिन समेत माग गरेको छ ।
यता सो सम्बन्धमा वडा अध्यक्ष धीरेन्द्र यादवले राहत वितरणमा कतै अनियमिता नगरेको दाबी गरेको छ । केही वास्तविक लकडाउन प्रभावित छुट भएका व्यक्तिलाई रातीको समयमा राहत दिएपछि आफु उपर अनियमिताको आरोप लगाएको उनले बताए । सो वार्डमा राहतको लागि १४ सय जनाले फारम भरेको बताइएको छ ।
कार्यविधि अनुसार चार दलका प्रतिनिधिलाई समावेश गरी राहत व्यवस्थापन समिति गठन गरेर चार सय जना वास्तविक परिवारको सूची तयार गरेको बताए । उनले समितिका पार्टी प्रतिनिधिहरुले वार्डका प्रत्येक परिवारलाई राहत वितरण गर्न दवाव दिदै आएकोमा प्रतिनिधिको सो प्रस्ताव नमान्दा राहत वितरण गर्न नदिने प्रतिनिधिहिरुले बताएपछि प्रशासनलाई जानकारी गराएर २७० दलितसहित चार सय वास्तविक लकडाउन प्रभावित परिवारलाई १५ किलो चामल, दुई किलो दाल, दुई किलो नून, एक किलो खाने तेल वितरण गरिसकेको वडाध्यक्ष यादवको दाबी छ ।
गत शुक्रबार प्रदर्शन गरी गरिएको वडा कार्यालयमा तालाबन्दी वडा अध्यक्षले प्रहरी लगाएर सोही दिन ताला फोडेका थिए । उत्पन्न विवादलाई सम्वादबाट समाधान गर्नुपर्नेमा सो नगरी वडाध्यक्षले बलपूर्वक कार्य गरिरहेकोमा उनीहरु झन आक्रोशित भएका छन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
ललितपुर आगलागीका घाइते महिलाको पनि मृत्यु, मृतकको संख्या ३ पुग्यो
बैशाख ३१, २०८१ सोमबार
चट्याङ र हावाहुरीसहित वर्षाको सम्भावना
बैशाख ३१, २०८१ सोमबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार