मर्स्याङ्दी सहकारीमा लाखौ रकम हिनामिना, अध्यक्ष र कर्मचारीको मिलेमतो
नेपालबहस संवाददाता
जेठ ४, २०७७ सोमबार ०:५९:४५
४ जेठ, लमजुङ । पछिल्लो समय वित्तीय संस्था मध्ये आम जनसमुदायले झट्टै बिश्वासिलो माध्यमका रुपमा लिन नसकेको संस्था हो सहकारी संस्था । शहरमा गल्ली पिच्छे खुल्दै बन्द हुँदै गरेका त्यस्ता प्रवुतिका सहकारी यतिबेला गाउँका टोलटोलमा पनि खुलेको छन् । गाउँमा स्थानीयहरुले नै खोलेका हुनाले त्यस्ता सहकारीले सुरुमा केहि विश्वास दिलाउन सकेपनि बिस्तारै विश्वसनियतालाई कायम राख्न नसकेको देख्न सकिन्छ ।
त्यस्तै लमजुङ जिल्ला राईनास नगरपालिकामा पनि त्यस्ता धेरै सहकारी मध्ये विश्वासिलो सहकारीको रुपमा परिचित मर्स्याङ्दी बचत तथा ऋण सहकारी संस्थाले जनताको पसिनाले आर्जेको रकम हिनामिना गरेको सेवाग्राहीले आरोप लगाएका छन् । पहिले स्थानीयको गुठीको रुपमा रहेको यो संस्था दशक बढि समयबाट सहकारीको रुपमा संचालन हुदै आएको थियो ।
आर्थिक हिनामिनाको लागि लमजुङका धेरै सहकारीको अडिट गर्दै आएका अडिटर क्षेत्रनाथ थपलियाको मिलिमतोमा केही बर्ष अगाडि देखि नै सहकारीको पैसा अपचलन भएको सदस्यहरुको आरोप छ । यो बिषयमा थपलियाले भने अघिल्ला बर्षमा सबै सामान्य तर यो बर्ष भने हिसाबकिताबमा हिसाब बढि तर खातामा पैसा नदेखिएपछि कतै लगानी छुटेको छ कि भनेर हिसाबकिताब गर्नका लागि समितिलाई समय दिएको जानकारी दिए ।
स्थानीय तथा सरोकारवालाहरुले अघिल्ला बर्षमा कोषाध्यक्ष रहेका लक्ष्मीप्रसाद चिलुवाल र कर्मचारी एलिना चिलुवालको मिलिमतोमा धेरै पैसा हिनामिना गरेको आरोप लगाएका थिए । यो बिषयमा लक्ष्मी चिलुवालसँग हामीले प्रश्न गर्दा यतिबेला आफु कोषाध्यक्ष नभई आफ्नी श्रीमति कोषाध्यक्ष भएको जानकारी दिदै आफैले बिगत ३ बर्षदेखि सहकारी राखेको आफ्नो घरको भाडा समेत नपाएको जानकारी दिए । उनका अनुसार सबै हिसाबकिताब गर्दा २ लाख आफुले तिर्नुपर्ने देखिएपछि सावाव्याज लिन आग्रह गर्दा अध्यक्ष बाधक बनेपछि यो कर्तुत बाहिर निस्केको हो । अध्यक्ष लक्ष्मण चिलुवालको हेलचक्रयाईले गर्दा कर्मचारी एलिनाले सहकारीको धेरै रकम हिनामिना गरेको पनि उनले खुलाए ।
रकम अपचलन भएको भन्दै हिसाब पारदर्शी गर्न शेयरहेल्डर र सेवाग्राहीले दवाव दिएपछि स्थानीय केही युवाको सहयोगमा आन्तरिक अडिट शुरु भएको छ । यस बिषयमा अध्यक्ष लक्ष्मण चिलुवालले संस्थामा आर्थिक हिनामिना भएको स्वीकार गरेका छन । उनले लेखा परीक्षणको समयमा आफुले २९ लाखको हिसाब नभेटेपछि अरु हिसाबकिताब प्रबन्धकसँग मागेको बताए । अघिल्ला बर्षहरु देखिनै हिसाबकिताब नमिले पनि अडिटर र कोषाध्यक्षको मिलिमतोमा पैसा अपचलन हुदै आएको समेत उनले आरोप लगाए ।
यतिबेला मर्स्याङ्दी सहकारी बचत तथा ऋण संस्थाका अध्यक्षकै नेतृत्वमा कागजपत्र आन्तरिक शिल गरि हिसाबकिताब खोज्ने काम भईरहेको छ । नेपाल बचत तथ ऋण सहकारी संघ (नेफस्कुन) मा समेत आबद्ध रहेको यो सहकारीले गरेको यस्तो अपारदर्शी तथा जनतालाई आर्थिक असुरक्षाको अनुभुति भईरहँदा सम्बन्धित पक्षको ध्यान जान जरुरी देखिएको छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवालिङमा छोरी जन्माउनेलाई निःशुल्क स्वास्थ्य बीमा
बैशाख १४, २०८१ शुक्रबार
पर्वतका ७० वनमा डढेलो, एक हजार चार सय हेक्टर जङ्गल नष्ट
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
आजको मौसम : हावाहुरी र चट्याङसहित वर्षाको सम्भावना
बैशाख १५, २०८१ शनिबार
दैनिक भिन्डीको पानी पिउदा अचम्मका फाइदाहरु
बैशाख १५, २०८१ शनिबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार
शनिदेवको पूजा गर्दा दिशामा विशेष ध्यान दिनुपर्छ
बैशाख १५, २०८१ शनिबार
इलाम र बझाङमा आज उपनिर्वाचन हुँदै
बैशाख १५, २०८१ शनिबार
गुडको यो उपायले सफलता मिल्छ, धनसम्पत्ति बढ्छ
बैशाख १५, २०८१ शनिबार