किन जग हँसाउनुहुन्छ, प्रधानमन्त्री ज्यू ?
नेपालबहस संवाददाता
जेठ ७, २०७७ बुधबार २१:०:२३
नेपालबहस टिप्पणी
एउटा स्वदेशमा रहेका नागरिक घर भित्रै बसेर बाँच्ने, देश बाहिर रहेका नेपालीहरु उतै आफ्नो व्यवस्था मिलाउने । संसदमा उनको उत्तेजनतात्मक प्रस्तुतिले लाग्थ्यो सरकार आफ्ना भ्रष्टाचारी सहयात्रिहरुलाई बाहेक अरु कसैलाई चिन्दैन । अरु कसैलाई साथ र सहयोग गर्न पनि सक्दैन । नत्र संसद जस्तो गरिमामय सदनमा बिना कामको ओम्नी के हो ? म चिन्दिन भनेर किन स्पष्टिकरण दिईराख्नु पथ्र्यो र ??
७ जेठ, काठमाडाैं । संसद जनताको भावना प्रतिबिम्बित हुने थलो हो । संसदमा दलका मिठा–मिठा आश्वासन र लोभलाग्दा लालिपपहरुको वितरण गर्ने ठाँउ हैन । नत दलका नेताहरुको एक आपसमा जुहारी खेल्ने ठाँउ नै । यहाँ त जनताको अभिमत लिएर गएका जनताका प्रतिनिधिहरुले जनताका विषयमा, देशका विषयमा, देशको राष्ट्रियताका विषयमा, जनजीविकाका विषयमा कुराहरु उठछन् । छलफल हुन्छन्, तिनै छलफल र बहसका आधारमा जनताका पक्षमा बिभिन्न योजनाहरु बन्छन् । तिनै योजनाहरुलाई सरकारका बिभिन्न निकायहरु मार्फत कार्यान्वयनमा जान्छन् ।
यसै अनुरुप हिजोको संसद बैठकमा पनि जनताका प्रतिनिधिहरुद्धारा जनताका पक्षमा बनाईएका नीति तथा कार्यक्रमका विषयमा छलफलहरु भए । विभिन्न दलका सभासदहरुले सरकारको नीति तथा कार्यक्रमहरुका विषयहरुमा विभिन्न जिज्ञासा र प्रश्नहरु राखे । सरकारका कार्यक्रमहरु भन्दा पनि बढी सभासदहरुमा विदेशमा रहेका नेपालीहरुको सुरक्षित देश फर्काउने विषयमा बढी चासो रहेको देखियो । जनताका प्रतिनिधिहरुले यस्ता संवेदनशील विषयहरुमा सरकारको ध्यानाकर्षण गराउनु पक्कै पनि सकारात्मक कुरा हो ।
संसदमा उपस्थित अधिकांश सभासदहरुको विदेशमा रहेका नेपालीहरुको विषयमा, उनिहरुले त्यहाँ भोगिरहेका समस्याहरुको विषयमा, उनिहरुलाई नेपाल भित्र्याउन गर्न सकिने पहलहरुका विषयमा उठेका प्रश्नहरु र प्रष्फुटन भएका भावनाहरुमा विदेशमा रहेका नेपालीहरुको पक्षमा अत्यन्त संमभाव र हार्दिकता रहेको देखिन्थ्यो । अधिकांश सभासदहरुले सरकारको तर्फबाट प्रधानमन्त्रीले आफ्नो प्रतिउत्तर भाषणमा यस विषयमा ठोस योजना र कार्यक्रम ल्याउलान भन्ने ठूलो अभिलाषा पनि रहेको बुझिन्थ्यो ।
तर संसदमा प्रधानमन्त्रीको वक्तब्यले संसदका विचार र प्रवासमा रहेका नेपालीलाई सम्बोधन गर्न सकेन । प्रधानमन्त्रीको वक्तब्यले भनिरहेको थियो नेपालीहरु चाहे देश भित्रका हुन चाहे देश बाहिरका यसले सरकारलाई कुनै फरक पर्दैन । जहाँ भए पनि आ–आफ्नै तरिकाले बाँच्न सक्नु पर्छ भन्ने भावना प्रधानमन्त्रीमा झल्किन्थ्यो । सरकार विदेशमा रहेका लाखाैं नेपालीलाई सुरक्षित स्वदेश अवतरण गराउन सक्ने पक्षमा छैन भन्ने स्पष्ट भनाईबाट दुईवटा कुराहरुमा अब नागरिक स्पष्ट हुन जरुरी छ भन्ने आभाष दिईरहेको थियो ।
एउटा स्वदेशमा रहेका नागरिक घर भित्रै बसेर बाँच्ने, देश बाहिर रहेका नेपालीहरु उतै आप्mनो व्यवस्था मिलाउने । संसदमा उनको उत्तेजनतात्मक प्रस्तुतिले लाग्थ्यो सरकार आफ्ना भ्रष्टाचारी सहयात्रिहरुलाई बाहेक अरु कसैलाई चिन्दैन । अरु कसैलाई साथ र सहयोग गर्न पनि सक्दैन । नत्र संसद जस्तो गरिमामय सदनमा बिना कामको ओम्नी के हो ? म चिन्दिन भनेर किन स्पष्टिकरण दिईराख्नु पथ्र्यो र ??
हाम्रो त कतारमा मात्रै पौने चार लाख युवाहरु छन् । सरकारले कुन जनशक्तिले यत्रा मान्छेको ब्यवस्थापन गर्छ ? के ले गर्छ ? जनशक्ति नै बाहिर छ । सरकार प्रमूखले संसदमा उभिएर ब्यक्त गरेका यस्ता बिचारहरुले नेपाल फर्कन आतुर विदेशमा अलपत्र परेका नागरिकमा कस्तो मानसिक तनाव सृजना गर्यो होला ? कति मन कुँडिएको होला ? उमेरले असीको हाराहारी हानेका, देश विदेशमा रहेका तमाम नेपालीले आफ्ना अभिभावक ठानेका, देशले राष्ट्रबादी नेताको रुपमा मानेका प्रधानमन्त्रीका यस्ता गधा पच्चिसी उमेरका जस्ता उत्ताउलो र भडकिलो जवाफले देश विदेशमा रहेका सिंगो नेपालीको मन फेरि एकपटक रुवाएको छ । सरकारलाई आफ्नै ज्यानको समेत राजस्व बुझाएर विदेशी भूमिमा पसिना बगाउन गएका लाखौ नेपालीले पठाएको रेमिट्यान्सले बाबुको बैतरणी गरेका र आफ्नो जन्मोत्सव मनाउन पल्किएका ब्वाँसाहरुलाई तिनै नेपालीका रोदनलाई सम्बोधन गर्न सक्ने सामथ्र्य भने देखिएन ।
संसदमा सांसदहरुले उठाएका प्रश्नहरु एकातिर सम्माननीय प्रधानमन्त्रीको ओठे जवाफ अर्को तिर हेर्दा लाग्थ्यो नेपालले प्रधानमन्त्री चैं गज्जबकै पाएको हो । देश भित्र रहेका आम नेपाली नागरिकहरु सरकारले आफ्नो नीति तथा कार्यक्रममा लकडाउनले पारेका असर र निकट भबिष्यमै देखा पर्न सक्ने भोकमरी र चरम अभावका विषयमा कुनै नयाँ र जनताले राहत महशुस गर्न सक्ने कार्यक्रमहरु सुन्न पाईएला भनेर आँखा र कान रेडियो, टिभीमा ओछ्याएका नागरिकहरुले राहत महशुष हुने कुनै नौलो कार्यक्रमको अनुभूति गर्नै पाएनन् । सरकारले जनतालाई राहतको कार्यक्रम भन्दा पनि रेल र पानीजहाज कुदाउने योजना पस्किदियो । अहिलेको जनताका घरमा चुल्हो बल्न छोडिसकेको स्थितिमा सरकारको मुख्य कार्यक्रम जनता बचाउने हुनुपर्दथ्यो ।
विदेशमा रहेका नेपालीहरु सबै स्वदेश फर्कन चाहदैनन् । आधा भन्दा बढी नेपाली विदेशमा पनि राम्रै काम गरेर उपयुक्त सुबिधासम्पन्न अवस्थामा गुजारा चलाएर बसेका छन् । कति तिनै देशको अस्थायी बसोबास कार्ड बनाएर बसेका छन् । तर जति नागरिक श्रमिकको रुपमा काम गर्न भनी सरकारलाई पार्सपोर्ट बनाउँदा देखि विदेश उड्दासम्म राजस्व तिरेर गएका छन् र अहिले रोजगार कटौति भएर अलपत्र परेका छन् । तिनलाई तत्काल नेपाल ल्याउनु सरकारको अनिवार्य जिम्मेबारी हाे, ल्याउनु पर्छ ।
सरकारको जिम्मेबारी भनेको भारत लगायत विदेशमा रहेका, वर्तमानमा तत्काल समस्यामा परि स्वदेश ल्याउनै पर्ने अवस्थामा रहेका नेपालीहरुको संख्या सम्बन्धित देशमा रहेको नेपाली राजदुताबासको सहयोगमा तत्काल उद्धार गर्न आवश्यक छ । यसका लागि सरकारसँग प्रयाप्त साधन र श्रोत नहुन सक्छ । यसका लागि सरकारले आम नेपाली नागरिक, विदेशमा रहेका नेपालीहरु र दातृ निकायको सहयागे समेत लिएर आफ्नो देश फर्काउन तत्काल पहल गर्नु पर्दछ ।
अब आफ्नोनै खुट्टोसमेत राम्ररी टेक्न नसक्नेले सिंगो देशको भारी कसरी बोक्नु प्रधानमन्त्री ज्यू ? शरिरले आराम र मन मस्तिष्कले प्रभूनाम जप्ने अवस्था रोजिरहेको समयमा त्रित्रा झैं बैर भावमा बोलेर किन जग हँसाउनु हुन्छ, प्रधानमन्त्री ज्यू ? अब त आराम गरे हुन्न र ?? दर्बिलो खुट्टो टेकेर सरकार चलाउन सक्ने सिपाही तपाई जस्तो राजनितिज्ञले यत्रो ३० बर्षमा एउटा पनि उत्तराधिकारी जन्माउन सक्नु भएन ? यदि जन्माउन सक्नु भएन भने तपाईं वास्तवमा कुनै राजनितिज्ञ नै हैन ।
तर देशको प्रधानमन्त्री संसदको रोष्टममा उभिएर हामीसँग चारवटा जहाज छन्, विदेशमा लाखाैं नेपाली नेपाल आउन चाहान्छन्, भन्दै अगाडि भन्छन् “हामी (सरकार) ह्वारह्वारती मान्छे ल्याएर क्वारेन्टाईमा पनि राख्न नसक्ने र कोरोना मात्रै फैलाउने अनि देशै सोत्तर बनाउने त्यस प्रकारको भद्रगोल सृजना गर्ने मनस्थितिमा छैन ।” प्रधानमन्त्रीको यी अभिब्यक्तिले नेपाल आउन तैयारीमा बसेका तमाम नेपाली नागरिकलाई दाँतमा ढुंगा लागेको छ ।
उनी अगाडि भन्छन् विदेशमा रहेका नेपाली नागरिक स्वदेशमा ल्याउने यो यस्तो सहज विषय हैन । अमेरिकाले १०० नागरिक बिमान चार्टर गरेर फिर्ता लगे जस्तो हैन । अष्ट्रेलियाले अढाई सय मान्छे फिर्ता लगे जस्तो हैन । कतारले उसका नागरिक फिर्ता लग्यो भने १०० जना लग्यो होला । तर हाम्रो त कतारमा मात्रै पौने चार लाख युवाहरु छन् । सरकारले कुन जनशक्तिले यत्रा मान्छेको ब्यवस्थापन गर्छ ? के ले गर्छ ? जनशक्ति नै बाहिर छ । सरकार प्रमूखले संसदमा उभिएर ब्यक्त गरेका यस्ता बिचारहरुले नेपाल फर्कन आतुर विदेशमा अलपत्र परेका नागरिकमा कस्तो मानसिक तनाव सृजना गर्यो होला ? कति मन कुँडिएको होला ?
उमेरले असीको हाराहारी हानेका, देश विदेशमा रहेका तमाम नेपालीले आफ्ना अभिभावक ठानेका, देशले राष्ट्रबादी नेताको रुपमा मानेका प्रधानमन्त्रीका यस्ता गधा पच्चिसी उमेरका जस्ता उत्ताउलो र भडकिलो जवाफले देश विदेशमा रहेका सिंगो नेपालीको मन फेरि एकपटक रुवाएको छ । सरकारलाई आफ्नै ज्यानको समेत राजस्व बुझाएर विदेशी भूमिमा पसिना बगाउन गएका लाखौ नेपालीले पठाएको रेमिट्यान्सले बाबुको बैतरणी गरेका र आफ्नो जन्मोत्सव मनाउन पल्किएका ब्वाँसाहरुलाई तिनै नेपालीका रोदनलाई सम्बोधन गर्न सक्ने सामथ्र्य भने देखिएन । देशको सिंगो सरकारको नेतृत्व गरिरहेका प्रधानमन्त्रीको संसदमा देखिएको ओठे जवाफले यिनिले देखाएको कोरा राष्ट्रवाद केवल भोट ब्यांकका लागि गरिएको खोक्रो आडम्बर झै देखिएको छ ।
त्यसैले अब आफ्नोनै खुट्टोसमेत राम्ररी टेक्न नसक्नेले सिंगो देशको भारी कसरी बोक्नु प्रधानमन्त्री ज्यू ? शरिरले आराम र मन मस्तिष्कले प्रभूनाम जप्ने अवस्था रोजिरहेको समयमा त्रित्रा झैं बैर भावमा बोलेर किन जग हँसाउनु हुन्छ, प्रधानमन्त्री ज्यू ? अब त आराम गरे हुन्न र ?? दर्बिलो खुट्टो टेकेर सरकार चलाउन सक्ने सिपाही तपाई जस्तो राजनितिज्ञले यत्रो ३० बर्षमा एउटा पनि उत्तराधिकारी जन्माउन सक्नु भएन ? यदि जन्माउन सक्नु भएन भने तपाईं वास्तवमा कुनै राजनितिज्ञ नै हैन । आफुलाई मात्रै योग्य र सक्षम देख्ने आँखामा कतै तपाईंको उमेर सँगसँगै मोतियाबिन्दू भन्ने रोग त लागेको छैन ?
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
उपप्रधान एवं स्वास्थ्यमन्त्री उपेन्द्र यादवले दिए राजीनामा
बैशाख ३१, २०८१ सोमबार
एकीकृत समाजवादीको केन्द्रीय समितिको बैठक आजदेखि
जेठ १, २०८१ मंगलबार
क्रिकेटर सन्दीप लामिछानेको मुद्दामा आज पेशी, होला त सुनुवाइ ?
जेठ १, २०८१ मंगलबार
कांग्रेस संसदीय दलको बैठक बस्दै
जेठ १, २०८१ मंगलबार
सरकारको नीति तथा कार्यक्रम आज सार्वजनिक हुँदै
जेठ १, २०८१ मंगलबार
आजको मौसम : यी ठाउँमा चट्याङ्गसहित वर्षाको सम्भावना
जेठ १, २०८१ मंगलबार
तपाईको आजको राशीफल कस्तो छ ?
जेठ १, २०८१ मंगलबार