एकै परिवारका ४ महिने शिशुसहित १८ जना कोरोनामुक्त

१२ जेठ, वीरगञ्ज । वीरगञ्जस्थित नारायणी अस्पतालमा उपचार गराइरहेका थप एकै परिवारका ४ महिने शिशु सहित १८ जना कोरोनामुक्त भएर डिस्चार्ज भएका छन् ।

७१ जना कोरोना संक्रमितमध्ये यश अघि शनिबार ९ जना डिस्चार्ज भएका थिए भने आईतबार राति ११ बजे १८ जना डिस्चार्ज भएका छन ।

गत वैशाख २४ गते कोरोना भएको पुष्टि भएका उनीहरू एकै परिवारका ४ महिने शिशुदेखि ६६ वर्ष उमेरका ११ पुरूष र ७ महिला छन्। उनीहरूको पछिल्ला दुई वटा रिपोर्ट नेगेटिभ आएपछि डिस्चार्ज गरिएको डा.उदयनारायण सिंहले जानकारी दिए ।

डिस्चार्ज हुनेहरूमा पर्सा बिरगंज महानगरपालिका वडा नं।३ का एकै परिवारका सबै जना डिस्चार्ज भएको नारायणी अस्पतालका प्रमुख मेडिकल सुपरिटेन्डेन्ट डा. मदन उपाध्याय ले जानकारी दिए । आइतबार १८जना डिस्चार्ज भएसँगै नारायणी अस्पतालमा उपचाररत संक्रमितको संख्या ४४ रहेको छ । अन्य २७ जना संक्रमित भने नारायणी अस्थाई कोभिड अस्पतालमा उपचाररत छन् ।