धुर्कोटमा जनप्रतिनिधिसहित २ जनामा कोरोनाकाे पुष्टि, गाउँपालिका उच्च जोखिममा

१३ जेठ, गुल्मी ।  गुल्मीको धुर्कोट गाउँपालिकाका अध्यक्ष भुपाल पोखरेललाई कोरोना भाइरस संक्रमण पुष्टि भएको छ । पोखरेलले मंगलबार विज्ञप्ति जारी गर्दै आफूलाई कोरोना संक्रण भएको जानकारी दिएका हुन् ।

जिल्लाको धुर्कोट गाउँपालिकामा जनप्रतिनिधिसहित २ जनामा कोरोना भाइरस संक्रमण पुष्टि भएको छ । प्रादेशिक प्रयोगशाला रुपन्देहीमा गरिएको परीक्षणमा उनीहरुमा कोरोना भाइरस संक्रमण पुष्टि भएको जिल्ला स्वास्थ्य कार्यालयका प्रमुख डा.भवानी प्रसाद शर्माले जानकारी दिए ।

अध्यक्ष भुपाल पोखरेलले भने, अब धुर्कोट गाउँपालिका कोरोना भाइरसको उच्च जोखिममा रहेको बताउदै आफ्नो स्वास्थ्य अवस्था सामान्य रहेको र केही हप्ता एकान्त बास बस्ने बताए ।

गाउँपालिका अध्यक्षलाई नै संक्रमण पुष्टि भएपछि गाउँपालिका केन्द्र बर्कोट क्षेत्रदेखि वडानम्बर ४ को भुवानसम्मको क्षेत्रलाई शिल गरिएको छ ।