विश्वभर काेराेनाका कारण ३ लाख ४८ हजारको मृत्यु

१३ जेठ, एजेन्सी । कोरोना भाइरसका कारण विश्वभर झण्डै ३ लाख ४८ हजारभन्दा बढी व्यक्तिको मृत्यु भएको छ भने संक्रमितको संख्या करिब ५६ लाख पुगेको छ ।

जोन्स हप्किन्स विश्वविद्यालयका अनुसार नेपाली समयानुसार विश्वभर २४ घण्टाको अवधिमा ९० हजार नयाँ संक्रमित भेटिएका छन् । विगत २४ घण्टामा विश्वभर ३ हजारको ज्यान गएको छ ।

यो समाचार तयार पार्दासम्म विश्वभर करिब ५३ हजार १ सय ८१ जनाको स्वास्थ्य अवस्था कोरोना भाइरसबाट अत्यन्त जटिल रहेको छ भने २८ लाख २१ हजार ७ सयको स्वास्थ्य अवस्था सामान्य रहेकाे छ ।

कोरोना भाइरसबाट अमेरिकामा संक्रमित  हुनेकाे संख्या १ लाख ७० हजार नाघेकाे छ भने, ज्यान गुमाउने संख्या ९९ हजार ८ सय ५ पुगेकाे छ ।