नोटमा राजाको फोटो विवादको सट्टा स्मार्ट बजेट ल्याउन प्रधानमन्त्रीसँग भण्डारीको माग
नेपालबहस संवाददाता
जेठ १४, २०७७ बुधबार १६:९:३०
१४ जेठ, काठमाडौं । पूर्वराजाको फोटो अङ्कित नोट नलिने उर्दी पुर्वसुचना बिना जारी गर्ने जस्ता विभिन्न एकपछि अर्को बिवादित, उटपट्याङ्ग र उत्ताउलो काममा सरकारी निकाय फस्नुको सट्टामा संवेदनशिल भै नयाँ बजेटमा स्मार्टवर्ल्ड प्रविधि आत्मसात गर्न नेकपा अध्यक्ष एवं प्रधानमन्त्री केपी शर्मा ओलीलाई नेपाली कांग्रेसका युवा नेता क्षितिज भण्डारीले सुझाव दिएका छन् ।
नेपाली कांग्रेसका सभापति शेरबहादुर देउवालाई समेत प्रमुख प्रतिपक्षी दलको नेताको रूपमा बोधार्थ दिदै नेबिसंघका पूर्व कावा अध्यक्ष समेत रहेका युवानेता भण्डारीले प्रधानमन्त्री ओलीलाई स्मार्ट युगमा कागजको नोट, किताबकापी, सरकारी कार्यालयमा झन्झटिलो कागज युग अन्त्य गर्दै क्यास लेस अर्थात कार्डमार्फत स्मार्ट पे, स्मार्ट बुक, पेपर लेस स्मार्ट अफिस बनाउनेतर्फ प्राबिधिक बजेट छुट्टाएर स्मार्ट गभर्मेन्ट बनाउन माग गरेका हुन् ।
बहुप्रतिक्षित बजेटमा लामो लकडाउनबाट पीडित जनताहरु र धराशायी नेपाली अर्थतन्त्र उकास्न परम्परागत भाषणको सट्टामा स्मार्ट राहत मनि प्याकेज ल्याउनुपर्ने बताउँदै नेता भण्डारीले दुईतिहाईको सरकारले राष्ट्रिय सहमतिमा स्मार्ट बजेट प्याकेज ल्याए पो संघीय लोकतान्त्रिक गणतन्त्र सुहाउँदो स्मार्ट पार्लियमेन्ट मानिने व्यंग्य समेत गरेका छन् ।
नेता भण्डारीले कोरोना संक्रमणबाट जोगिन राज्यले सामाजिक दुरीको स्मार्ट क्राईटेरिया लागु गरेको सन्दर्भमा ९९ प्रतिशत स्मार्ट पिपुल्सले नियम पालना गरेको अवस्था देखाए । भण्डारीले देशमा झण्डै करोड जनता स्मार्ट टिभी, स्मार्ट फोन, स्मार्ट वाच, स्मार्ट एपमार्फत सामाजिक सन्जाल चलाउन अभ्यस्त भएको नेपाल सरकारलाई स्मरण गराउदै हरेक नेपाली नागरिकलाई स्मार्ट होम र स्मार्ट लाईफ बनाउने अधिकार र महत्वाकांक्षासहित शिक्षा, रोजगारी, ब्यापार ब्यवसायमा देशबिदेशमा जन्मदेखि मृत्युसम्म सकुन्जेल मेहनत गरिरहेको हामीले देखेकोले सबै स्मार्ट भै राजनीतिक दल आर्थिक मुद्दामा एक हुनुपर्नेमा जोड दिएका छन् ।
प्रधानमन्त्रीलाई भण्डारीले स्मरण गराउदै नेपालले स्मार्ट सिटी, स्मार्ट भिलेज भन्दै विभिन्न क्षेत्रमा अर्बौं लगानी गरेको छ । अनि बिजुली, खानेपानी, कर, ईन्टरनेट र सबै शुल्क घरबाटै स्मार्ट एपहरुमार्फत तिर्न सरकारले सञ्चार माध्याममा सूचना जारी, स्थानीय तहबाटै नयाँ घर र कार्यालय संरचनाको निर्माण स्मार्ट म्यापरडिजाइन अनि स्मार्ट मेटिरियलले मात्र बन्ने बाध्यकारी कानुन छ । पछिल्लो दशकमा स्मार्ट पासपोर्ट आएको र अहिले स्मार्ट लाईसेन्स, स्मार्ट भ्याट (प्यान, स्मार्ट पार्किङ्ग र स्मार्ट सवारी नम्बर प्लेट अनिवार्य भएको उपलब्धि दर्शाउदै सबैतिर स्मार्ट कार, स्मार्ट डिजिटल एजुकेसन, स्मार्टबुक, स्मार्ट स्कुल(कलेज, स्मार्ट टेक्नोलोजी, स्मार्ट हेल्थ ल्याब, स्मार्ट फिटनेश, स्मार्ट रेष्टुरेन्टदेखि स्मार्ट अनलाईन सप नै अगाडि बढेकोले यहि बाटोमा बजेट केन्द्रीत गर्न भण्डारीको माग छ ।
नेता भण्डारीले लिखित रूपमा नेपाल सरकार, नेता, कर्मचारी, सुरक्षाकर्मी र न्यायालय पनि स्मार्ट वर्ल्डमा दक्ष नेतृत्व नभए डार्बिनको सिद्धान्तनुसार नयाँ परिस्थितिमा भिज्न नसक्नेहरु डाईनोसोर झै लुप्तलाई तयार हुन चेतावनी समेत दिएका छन् । स्मार्ट शब्द बारे भण्डारीले तर्क गर्दै, स्मार्ट वर्ल्डको चाहना र आवश्यकताको सम्बोधन नभए ओभर स्मार्ट र भ्रष्टदेखि नेतृत्व विरुद्ध परिवर्तनको पक्षमा जनता नयाँ आन्दोलनको कित्तामा उभिन बाध्य उभिन सक्ने भनेर जेष्ठ १४ गते बुधबार प्रधानमन्त्रीलाई पत्र मार्फत अवगत गराएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभोलि मतदान हुने इलाम र बझाङमा सबै सवारीसाधन निर्वाध चल्न दिने आयोगको निर्णय
बैशाख १४, २०८१ शुक्रबार
प्रधानमन्त्री दाहाल मोरङमा
बैशाख १४, २०८१ शुक्रबार
प्रधानमन्त्रीसँग एडीबीका उपाध्यक्षको शिष्टाचार भेट
बैशाख १४, २०८१ शुक्रबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
बन्दिपुर जाने बाटोको प्राकृतिक मनोरम दृश्य
बैशाख १४, २०८१ शुक्रबार
मुम्बईको अदालतले दियो रवि किशनलाई ठूलो राहत, डीएनए परीक्षण गर्न अस्वीकार
बैशाख १४, २०८१ शुक्रबार
वैदेशिक रोजगारमा पठाइदिन्छु भन्दै ठगी गर्ने दुई जना पक्राउ
बैशाख १४, २०८१ शुक्रबार
भरतपुरका होटलले पर्यटकलाई छुट दिने
बैशाख १४, २०८१ शुक्रबार
जापानका प्रधानमन्त्रीले फ्रान्स, ब्राजिल र पाराग्वेका भ्रमण गर्ने
बैशाख १४, २०८१ शुक्रबार
कोका–कोला ब्रान्डेड प्लास्टिक प्रदूषणको विश्वको सबैभन्दा ठूलो उत्पादक
बैशाख १४, २०८१ शुक्रबार