अर्वपति कपडा व्यापारी प्रविन अग्रवाल पक्राउ परेलगतै किन छुटे ?

२० जेठ, काठमाडौं । नेपालमा लत्ताकपडाको व्यापारमा एक नम्बरमा आउने अर्वपति व्यापारी प्रविन अग्रवाल पक्राउ परे लगतै छुटेका छन । महानगरीय प्रहरी वृत्त जनसेवाले प्रविन अग्रवाललाई पक्राउ गरेको केही घण्टामा नै छाडिदिएको हो ।

आफुलाई मानव अधिकार परिषदको मान्छे भन्दै अग्रवालले चुरीफुरी देखाएर प्रहरीमाथी नै आईलाग्न खोजेपछि प्रक्राउ गरेको जनसेवाका एक प्रहरीले बताएका छन् । अग्रवालले लकडाउन सुरु भएदेखि नै मानव अधिकार परिषद नामक संस्थाको कार्डको आधारमा सवारी चलाउनुको साथै व्यापार पनि गर्दै आएको समाचार स्रोतले बताएको छ ।

समाचार स्रोतका अनुसार अग्रवालले लकडाउनको समयमा अत्याधिक फाईदा लिएर कपडा बिक्री गरेको बताईएको छ । प्रविन अग्रवालले संचालन गरेको इन्द्रचोकको बाजीगर स्टोरबाट आइतबार पक्राउ परेका उनलाई महानगरीय प्रहरी वृत्त जनसेवाका डीएसपी सुनिलजंग शाहको आदेशमा छाडिएको जनसेवाका एक प्रहरीले बताएका छन् ।

मानवअधिकारको नक्कली कार्ड बनाएको तथा अन्य कुराहरुमा छानविन गर्न भनेर अग्रवाललाई पक्राउ गरिएको भएपनि केहि घण्टामै अग्रवाल छुटेपछि जनसेवाकै तल्ला तहका प्रहरी भने असन्तुष्ट छन् ।