प्रधानमन्त्रीले विज्ञहरूसँग लकडाउनको मोडालिटीबारे छलफल गर्ने

२१ जेठ, काठमाडाैं । प्रधानमन्त्री केपी शर्मा ओलीले कोरोना रोकथाममा केन्द्रित रहेर विज्ञहरूसँग छलफल गर्ने भएका छन् । प्रधानमन्त्रीका प्रेस सल्लाहाकार सुर्य थापाका अनुसार कोरोना भाइरस रोकथामका लागि आगामी रणनीति र लकडाउनको मोडालिटीबारे विज्ञहरुसँग छलफल गर्न लागेका हुन्।

प्रधानमन्त्री निवास बालुवाटारमा छलफलका लागी दिउँसो ४ बजे स्वास्थ्य क्षेत्रका विज्ञ, अर्थविद, योजनाविद, नर्सिङ क्षेत्रका विज्ञलगायतलाई बोलाइएको छ ।

मेडिकल काउन्सिलका अध्यक्ष डाक्टर भगवान कोइराला, योजना आयोगका पूर्वउपाध्यक्षहरू शंकर शर्मा, पिताम्बर शर्मा, स्वर्णीम वाग्लेलगायत २५ जना विज्ञलाई बोलाइएको थापाले जानकारी दिए।