सानिमा लाईफको मोबाइल एपमार्फत बीमितले आफ्नो विवरण घर बसेर हेर्न मिल्ने

२१ जेठ, काठमाडौं । ग्राहकहरुलाई नविनतम प्रविधिको प्रयोग गरी गुणस्तरीय सेवा दिन सदैव अग्रणी सानिमा लाईफ इन्स्योरेन्स लिमिटेडले लकडाउनको अहिलेको परिस्थितिमा आफ्ना बीमितहरुले घरमै बसेर सानिमा लाईफको मोबाइल एपमार्फत आफ्नो विवरण आफै हेर्न सकिने सुविधा (User Portal) को शुभारम्भ गरेको छ ।

सानिमा लाइफको एप सजिलै गुगल प्लेस्टोर (Google Play Store) बाट डाउनलोड गर्न सकिन्छ । त्यहाँबाट सर्च search मा गएर आफ्नो पोलिसी नम्बर र प्रस्तावकको जन्म मिति राखेर आफ्नो सम्पूर्ण विवरण हेर्न सकिने कम्पनीले जनाएको छ । यस एपमार्फत बीमितले लिएको बीमा योजना, कुल बीमाङ्क रकम, आफुले अहिलेसम्म तिरेको बीमा शुल्कको विवरण साथै भविष्यमा कहिले र कति नवीकरण शुल्क तिर्नपर्छ भन्ने कुराको सम्पूर्ण जानकारी लिन सकिने कम्पनीका महाप्रबन्धक शिवराम तिमिल्सिनाले बताएका छन् ।

साथै सानिमा लाईफको यस एपमा बीमा शुल्कसहितको प्रिमियम शुल्क गणना गर्ने प्रिमियम क्यालकुलेटर सुविधा, कम्पनीको सम्पूर्ण योजनाहरुको बारे विस्तृत जानकारी, Sanima Advisors Portal, कम्पनीको सबै शाखा कार्यालयहरुको विवरण पनि उपलब्ध भएको महाप्रबन्धक तिमिल्सिनाले जनाए ।

बीमा योजना खरिद गरिसकेपछि आफ्न विवरण बुझ्न बारम्बार आफ्नो अभिकर्ता वा कम्पनीसँग सोधिराख्नु पर्ने झन्झट यस सुविधाको शुभारम्भ सँगै समाप्त भएको छ । यसका साथै कम्पनीले घरमै बसेर e-Sewa, Khalti, Connect IPS, Cell-Pay, लगायतका डिजिटल बैंकिङ सुविधामार्फत बीमा शुल्क तिर्न सकिने गरी आफ्नो एपमा नयाँ सुविधा थप गरेको छ ।