गुल्मीका २५ सञ्चारकर्मीलाई पीपीई प्रदान

२२ जेठ, गुल्मी । जिल्लामा कार्यरत २५ सञ्चारकर्मीलाई आज पीपीई प्रदान गरिएको छ । नेपाली कांग्रेस गुल्मी–काठमाडौं सम्पर्क समितिले सहयोग गरेको व्यक्तिगत सुरक्षात्मक उपकरण नेपाल प्रेस युनियन गुल्मीको संयोजनमा कांग्रेसका जिल्ला सभापति भुवनप्रसाद श्रेष्ठले आज नेपाल पत्रकार महासंघलाई हस्तान्तरण गरे।

महासंघका अध्यक्ष नवराज भुसालले अग्रभागमा रहेर समाचार संकलन र सम्प्रेषण गर्ने पत्रकारलाई पीपीई वितरण गरिने जानकारी दिए ।