सुदूरपश्चिममा थप ६ जनामा कोरोना संक्रमण

२३ जेठ, कैलाली । आज ‘शुक्रबार’ सुदूरपश्चिम प्रदेशमा थप ६ जनामा कोरोना संक्रमण पुष्टि भएको छ। धनगढी स्थित कोरोना परीक्षण प्रयोगशालाबाट थप ६ जनामा कोरोना पुष्टि भएको हाे ।

सेती प्रादेशिक अस्पतालका अनुसार आज पुष्टि भएकामा डडेल्धुराका ५ र कैलालीका एक जना रहेका छन । आज थप भएका ६ सँगै सुदूरपश्चिममा संक्रमितको सङख्या ९२ पुगेको छ।

सुदूरपश्चिमका ९२ जना संक्रमित मध्ये ८९ जना प्रदेशभित्रै रहेका छन् भने एक जना संक्रमितको मृत्यु भइसकेको छ। एक जना बझाङ र एक जना बाजुराका संक्रमितको भने कर्णाली प्रदेशमा उपचार भइरहेको छ। संक्रमित मध्ये ७ जना प्रदेशभित्रका विभिन्न अस्पतालबाट कोरोना जितेर घर फर्किसकेका छन् ।