नेकपा भित्रको विवाद सकियो ? भित्रभित्रै हुँदैछ यस्तो तयारी

२४ जेठ, काठमाडौं । गएको एकसाता नेपाली राजनीतिक क्षितिज चकमन्न छ । सधैं सत्ता राजनीतिमा रुमल्लिएको नेकपा होस् वा आन्तरिक किचलोमा फसेका नेपाली कांग्रेसलगायतका विपक्षी दलका नेताहरु प्रतिक्रियाबिहिन देखिएका छन् । मानौं अहिले देशमा कुनै गतिविधि नै छैन ।

कोरोना कहरले आक्रान्त भएकै बेला प्रधानमन्त्री केपी ओली नेकपाभित्र चरम संकटमा परेका थिए । संकटको यो घडी नहुँदो हो त सायद उनी अहिले भूतपूर्व प्रधानमन्त्री भैसक्थे । जस्तोसुकै संकटमा पनि उनी जोगिएका छन् । चाहे भाग्यले साथ दिएर होस् वा राजनीतिक चतु¥याईंबाट किन नहोस् । अहिले सबैको ध्यान फेरि कोरोनामै केन्द्रित भएको प्रतीत हुन्छ ।

हुन पनि अहिले ओलीविरुद्धको मोर्चाबन्दी गतिलैसँग भइरहेको छ । नेताहरु प्रचण्ड, नेपाल, खनाल र गौतमको भर्चुअल बैठक बसिरहेको छ । तर यसबारे कतै सूचना नचुहाउने उनीहरुले रणनीति बनाएका छन् । यसको भनक ओलीले पाइसकेका छन् । त्यसैले ओली दूतहरुले नेताहरुको निगरानी बढाएको स्रोतको दावी छ ।

रुपमा यस्तो देखिएपनि सारमा भने त्यो होइन । ओलीका स्थायी प्रतिद्वन्दीहरु त्यसै आराम गरेर बसेका छैनन् । पुष्पकमल दाहाल प्रचण्ड मात्र होइन, नेताहरु माधवकुमार नेपाल र झलनाथ खनाल पनि भित्र भित्रै तयारी गरिरहेका छन् । गएको साता बसेको सचिवालय बैठकमा ओली अमेरिकी मिलेनियम च्यालेञ्जप्रति लचिलो बनेको बुझेर नेताहरु अहिले “पर्ख र हेर” को अवस्थामा छन् ।

उता, पार्टी उपाध्यक्ष वामदेव गौतम अहिले फेरि चलखेलमा जुटेका छन् । भैंसेपाटी गठबन्धनबाट फुत्किएका उनी पुनः त्यहीं जुट्ने अवस्थामा छन् । ओलीले धेरैखाले आश्वासन दिएको भएपनि व्यवहारमा केही नपाएका उनी अहिले रुष्ट छन् । गौतमको दैनिकी यतिबेला प्रचण्डमार्फत पुरानो टीममा जुट्नेतिर केन्द्रित छ ।

कोरोना संक्रमण निस्तेज गर्न सरकारले जारी गरेको लकडाउन बिस्तारै औचित्यहिन बन्दैछ । निर्बिकल्प बनाइएको लकडाउन केवल सत्ताकवच मात्रै भएको भेउ सबैले पाइसकेका छन् । त्यसैले लकडाउनको अवज्ञा गर्नेको ठूलो संख्या देखिन थालेको छ । बाध्य भएर ओलीले भोलिबाट लकडाउनको स्वरुप बदल्ने संकेत गरेका छन् । एकैपटक लकडाउन खुकुलो पार्दा फेरि सत्ता संकट गहिरिने उनको बुझाई छ । हुन पनि अहिले ओलीविरुद्धको मोर्चाबन्दी गतिलैसँग भइरहेको छ । नेताहरु प्रचण्ड, नेपाल, खनाल र गौतमको भर्चुअल बैठक बसिरहेको छ । तर यसबारे कतै सूचना नचुहाउने उनीहरुले रणनीति बनाएका छन् । यसको भनक ओलीले पाइसकेका छन् । त्यसैले ओली दूतहरुले नेताहरुको निगरानी बढाएको स्रोतको दावी छ ।

संसद्मा प्रवेश भइसकेको एमसीसी र आगामी आर्थिक वर्षको बजेट पास गराउन ओलीलाई सजिलो हुनेछैन । संसद्को चालू अधिवेशनबाटै एमसीसी पास वा फेल हुनुपर्ने बाध्यता रहेको छ । किनभने आगामी असार १५ भित्र एमसीसी अनुमोदन गरिसक्नुपर्ने हुन्छ ।  यसैगरी आगामी आर्थिक वर्षको बजेट पारित गर्न पनि संसद्बाट अनुमोदन गनुपर्ने हुन्छ । हो त्यही बेला ओलीले नराम्रो झड्का पाउनेछन्– प्रचण्ड निकट ती नेताको भनाई छ ।

नेताहरु विगत जस्तो मान्छेको भीड बढाएर मोर्चाबन्दी गर्ने भन्दा प्रविधिको प्रयोग गरी ओलीलाई कमजोर बनाउने उपाय सोच्दैछन् । त्यसका लागि फोन मोबाइल भन्दा भाइवर, म्यासेञ्जर, ह्वाट्स एप लगायतको प्रयोग हुने गरेको स्रोतको भनाई छ । अध्यक्ष प्रचण्ड निकट एक नेताले भने– एनटीसी र एससेलमार्फत गरिने सबै कल ट्याप हुने संभावना भएको भन्दै नेताहरु अन्य एपको प्रयोग गरिरहेका छन् । जसले गर्दा उनीहरुबीचको वातचित धेरै बाहिरिन पाएको छैन । उनी भन्छन् –अहिले आँधीअघिको सन्नाटा हो भन्ने बुझौं । लकडाउन खुकुलो बनाएर स्थिति सहज हुने वित्तिकै परिस्थिति फेरिन्छ, त्यति नै बेला हामी दबाव बढाउने पक्षमा छौं, उनले भने ।

ओलीलाई अहिले दुईवटा तगाराले छेकेको अवस्था छ । नेताहरुले त्यसको आंकलन गरिसकेका छन् – ती नेताको भनाई छ” संसद्मा प्रवेश भइसकेको एमसीसी र आगामी आर्थिक वर्षको बजेट पास गराउन ओलीलाई सजिलो हुनेछैन । संसद्को चालू अधिवेशनबाटै एमसीसी पास वा फेल हुनुपर्ने बाध्यता रहेको छ । किनभने आगामी असार १५ भित्र एमसीसी अनुमोदन गरिसक्नुपर्ने हुन्छ ।  यसैगरी आगामी आर्थिक वर्षको बजेट पारित गर्न पनि संसद्बाट अनुमोदन गनुपर्ने हुन्छ । हो त्यही बेला ओलीले नराम्रो झड्का पाउनेछन्– प्रचण्ड निकट ती नेताको भनाई छ ।

यो कुराको भेउ ओली पक्षले पक्कै नपाएको छैन । ओलीका दूतहरुले सबै नेताको रणनीति र तयारीबारे अनुगमन गरिरहेका छन् । सबैलाई परास्त गर्ने अर्को फण्डा प्रधानमन्त्री ओलीले प्रयोग गर्ने संभावना पनि त्यतिकै छ । ओली निकट एक नेताले भने अनुसार, अहिले पार्टी नेताहरु केमा लाग्नु भएको हो थाहा भएन, तर सरकार भने कोरोना नियन्त्रणमा मात्रै केन्द्रित छ । प्राथमिकतामा कोरोना नियन्त्रण भएपनि प्रधानमन्त्रीले संभावित राजनीतिक संकटको आंकलन नगर्ने कुरा भएन भन्दै उनले अब ओलीलाई अफ्ठेरो पार्ने चरण पार भइसकेकाले गठबन्धनको कुनै प्रभाव नपर्ने स्पष्ट गरे ।

जे भएपनि सत्तारुढ दल भित्र कुनै न कुनै खिचडी चाहिं पाकिरहेको अनुमान गर्ने ठाउँ देखिएको छ । यसका लागि भोलिबाट खुकुलो पारिने भनिएको लकडाउनको मोडालिटीमा नै धेरै भरपर्ने अवस्था छ । नेकपा भित्रको विवाद भूसको आगो जस्तो रहेको पनि यसैले पुष्टि गरेको छ ।