कांग्रेस प्रवक्ता शर्मा भन्छन्, कोरोनाबाट बच्न सर्तक हुनुभन्दा अर्को उपाय छैन !
नेपालबहस संवाददाता
जेठ २५, २०७७ आइतबार २१:५९:४५
२५ जेठ, सुरुङ्गा । झापामा कोरोना सङ्क्रमितको सङ्ख्या बढेपछि जनस्तरबाट स्थानीय तहलाई स्वास्थ्य सामग्री प्रदान गर्न शुरु गरिएको छ । ‘एकका लागि एक’ अभियान, मेची अभियान र अन्तर्राष्ट्रिय झापाली समाजले जिल्लाका १५ स्थानीय तहलाई कोरोना परीक्षणका लागि भीटीएम किट ‘भाइरल ट्रान्सपोर्ट मिडिया’, व्यक्तिगत सुरक्षा कवच ९पिपिइ०, स्यानिटाइजर र एन–९५ मास्कलगायतका स्वास्थ्य सामग्री उपलब्ध गराइएको हो ।
सो अभियानसँगको सहकार्यमा अन्तराष्ट्रिय झापाली समाजले सबै स्थानीय तहलाई एक हजार ५०० भीटीएम किट उपलब्ध गारएको छ भने मेची अभियानले छ पालिकालाई भीटीएम किटसहित पीपीई, स्यानिटाइजर र एन–९५ मास्क उपलब्ध गराएको छ ।
सो समाजका उपाध्यक्ष नवीन पोखरेलले सो अभियानसँग सहकार्य गर्दै सबै स्थानीय तहमा पुगेर एक हजार ५०० थान भाइरल ट्रान्सपोर्ट मिडिया उपलब्ध गराए । पहिलो चरणमा आफूहरुले आवश्यकताका आधारमा भीटीएम किट उपलब्ध गराएको बताउँदै स्थानीय तहका प्रमुख तथा उपप्रमुखसँग छलफलपछि समाजले दोस्रो चरणको सहयोग गर्ने उपाध्यक्ष उनले बताए । “अहिले हामी छलफलकै क्रममा छौँ”, उनले भने, सबै पालिकाले कोरोना परीक्षणका लागि ल्याब स्थापनाको कुरा गरिरहेका छन, अभियानसँग छलफल गर्दै ल्याब स्थापनाका लागि समाजले रु २५ लाखसम्म सहयोग गर्ने सोच बनाएको छ ।
विपन्न परिवारलाई सहयोगका लागि सञ्चालन गरिएको सो अभियानले रु एक करोड २५ लाख लागतमा कोरोना परीक्षण गर्ने ल्याब स्थापनार्थ पहल गरिरहेको अभियानका सहसंयोजक विनोद बस्नेतले जानकारी दिए । मेची अभियानले कोरोना सङ्क्रमण देखिएका तथा सीमावर्ती पालिकालाई स्वास्थ्य सामग्री उपलब्ध गराएको हो । अभियानका संयोजक विजय डालमियाँका अनुसार आठवटा पालिकाका प्रमुख तथा उपप्रमुखलाई ती सामग्री हस्तान्तरण गरिएको हो ।
उनका अनुसार पहिलो चरणअन्तर्गत बुद्धशान्ति गाउँपालिकालाई १०० थान भीटीएम, पाँच थान पीपीई, १०० थान एन–९५ मास्क, एक कार्टुन स्यानिटाइजर उपलब्ध गराइएको छ । भद्रपुर नगरपालिका, कचनकवल, बाह्रदशी, झापा र गौरीगञ्ज गाउँपालिका प्रत्येकलाई ५०–५० थान भीटीएम, पाँच–पाँच थान पीपीई, १०० थान एन–९५ मास्क, एक कार्टुन स्यानिटाइजर उपलब्ध गराइएको छ ।
त्यस्तै मेचीनगर र गौरादह नगरपालिकालाई सोही बराबरको सामान उपलब्ध गराइएको उनले जानकारी दिए । दोस्रो चरणमा आवश्यकता हेरेर १५ वटै पालिकालाई आवश्यक सामग्री उपलब्ध गराइने अभियानका सदस्य तथा कांग्रेस मेचीनगर सभापति इन्द्रबहादुर बुढाथोकीले जानकारी दिए ।
सामान हस्तान्तरण कार्यक्रममा बुद्धशान्तिका अध्यक्ष रमेश भुजेल, उपाध्यक्ष मीरा भुर्तेल, भद्रपुर नगरपालिका उपप्रमुख चन्द्रा श्रेष्ठ, कचनकवल अध्यक्ष अन्जार आलम, बाह्रदशी अध्यक्ष खड्गप्रसाद राजवंशी, झापा अध्यक्ष जयनारायण साह र गौरीगञ्ज अध्यक्ष बाबुराजा श्रेष्ठले अभियानले अत्यावश्यक स्वास्थ्य सामग्री हस्तान्तरण गरेर कोरोनासँग जुध्न सहयोग गरेको बताए ।
जनस्तरबाट उपलब्ध गराइएको स्वास्थ्य सामग्रीले कोरोनासँग जुध्न र समयसापेक्ष भएको जनप्रतिनिधिको भनाइ छ । स्वास्थ्य सामग्री वितरण कार्यक्रममा सहभागी बनेका नेपाली कांग्रेसका प्रवक्ता विश्वप्रकाश शर्माले कोरोनाबाट बच्न सर्तक हुनुभन्दा अर्को उपाय नरहेको बताएका छन् । उनले भने, “बन्दाबन्दीको समयमा सचेत रहँदै सरकारको अभियानलाई सहयोग पु¥याउन म सबैलाई आग्रह गर्छु ।” रासस
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपझापामा सम्बन्धविच्छेदका मुद्दा बढे
जेठ १, २०८१ मंगलबार
१ सय दुई वर्षीय वृद्धसहित एक सय ४३ जनाको शल्यक्रिया
जेठ १, २०८१ मंगलबार
आजको मौसम : यी ठाउँमा चट्याङ्गसहित वर्षाको सम्भावना
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
बारामा चोरी सिकारी समूह सक्रिय, वन कार्यालय छेउमै हरिणको सिकार
बैशाख ३१, २०८१ सोमबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
विदेशी लगानी भित्र्याउन तीन वर्षदेखि रोकिएको कन्ट्री रेटिङको काम अघि बढाइने
जेठ १, २०८१ मंगलबार
बन्दुक तथा धारिलो हतियार देखाई चोरी गर्ने दुई जना पक्राउ
जेठ १, २०८१ मंगलबार
वन्यजन्तुबाट बालीनालीमा हुने क्षति नियन्त्रण गरिने
जेठ १, २०८१ मंगलबार
रुसले युक्रेनमा आक्रमण बढाउँदा ५,७०० लाई सुरक्षित स्थानमा सारियो
जेठ १, २०८१ मंगलबार
आन्तरिक स्रोतलाई दिगो बनाउँदै राजस्वको दायरा बढाउन कर प्रणाली सुधार गरिने
जेठ १, २०८१ मंगलबार