क्वारेन्टाइन भरिन लागेपछि स्वाब सङ्कलनका लागि किट अभाव
नेपालबहस संवाददाता
जेठ २७, २०७७ मंगलबार २०:३:४४
२७ जेठ, तनहुँ । तनहुँको व्यास नगरपालिकाले भिटिएम खरिद गर्ने भएको छ । क्वारेन्टाइनमा रहेकाहरुको कोरोना भाइरस परीक्षणका लागि भिटिएम अभाव भएपछि नगरपालिकाले आफ्नै खर्चमा भिटिएम खरिद प्रक्रिया अगाडी बढाएको हो ।
भारतबाट जिल्ला फर्किने क्रम बढेर क्वारेन्टाइन भरिन लागेपछि स्वाब सङ्कलनका लागि किट अभाव भएकाले नगरपालिकाले आफैले किट किन्न लागेको नगरपालिकाका स्वास्थ्य प्रमुख प्रमोद सोतीले जानकारी दिए । उनका अनुसार दुई सय थान भिटिएम एक÷दुई दिनभित्रमा नै आइपुग्ने र भिटिएम आएपछि क्वारेन्टाइनमा बसेकाहरुको स्वाब सङ्कलनलाई तीव्रता दिइनेछ ।
“भीटीएम खरिदका लागि सबै तयारी भइसकेको छ, एक दुई दिनभित्रै भिटिएम आइपुग्छ,” उनले भने, “आरडिटी भरपर्दो नभएकाले पिसीआर प्रविधिलाई नै प्राथमिकता दिएर स्वाब सङ्कलन गरिरहेका छौ ।” व्यास नगरपालिका–१ स्थित आदिकवि भानुभक्त क्याम्पसको क्वारेन्टाइनमा बसेका एक जना पुरुषमा कोरोना पुष्टी भएपछि उनीसँगै बसेका अन्य १५ जनाको पुनः स्वाब सङ्कलन गरेर परीक्षणका लागि पोखरा पठाइएको छ । यसअगाडी ५४ जनाको स्वाब परीक्षण गर्दा एक जनामा कोरोना पुष्टी भएको थियो ।
आदिकविको क्वारेन्टाइनमा रहेका ४६ जनाको कोरोना परीक्षण गर्न बाँकी छ । भिटिएम आउनेबित्तिकै उनीहरुको पनि स्वाब सङ्कलन गरिने सोतीले जानकारी दिए । नगरपालिकाभित्र निर्माण गरिएको क्वारेन्टाइनमा बसेका सबैको एक हप्ताभित्र स्वाब सङ्कलन गर्ने तयारी छ । “पीसीआर परीक्षण गरेर रिपोर्ट नेगेटिभ आएपछि सबैलाई घर पठाउने तयारी छ”, उनले भने, “दैलेखमा भएको घटना दोहोरिन नदिन नगरपालिका गम्भीर छ ।”
यस्तै क्वारेन्टाइनमा राखिएका नागरिकको कोरोना परीक्षणका लागि म्याग्दे गाउँपालिकाले पनि भिटिएम खरिद गर्ने भएको छ । गाउँपालिकाका प्रमुख प्रशासकीय अधिकृत हरिराम नागिलाले पहिलो चरणमा ३० थान भिटिएम किट खरिद गर्न लागिएको जानकारी दिए । गाउँपालिकाको क्वारेन्टाइनमा अहिले ७० जनालाई राखिएको भएपनि १४ दिन पुग्ने क्रममा ३० जना रहेको हुँदा उनीहरुलाई परीक्षणका लागि पहिलो चरणमा ३० थान पीसीआर किट खरिद गर्ने प्रक्रिया शुरु भइसकेको उनले जानकारी दिए । प्रक्रिया पूरा गरेर किट खरिद गरि १४ दिन क्वारिन्टाइनमा बसाइँ पूरा भएकालाई क्रमशः परीक्षणका लागि पठाईने नागिलाले जानकारी दिए ।
गाउँपालिकाले विदेशबाट आउने नागरिकलाई सम्बन्धित वडाकै क्वारेन्टाइनमा बस्ने व्यवस्था मिलाएको छ । प्रहासकीय अधिकृत नागिलाका अनुसार क्वारेन्टाइनमा बस्ने सबैलाई प्रतिदिन रु तीन सय ६५ का दरले खाना र खाजाको व्यवस्था गरिएको छ ।
भानु नगरपालिकाले एक सय थान भीटीएम खरिद गरेर ल्याइसकेको छ । नगरपालिकाका स्वास्थ्य शाखा प्रमुख ऐश्वर्यचन्द्र भट्टराईले क्वारेन्टाइनमा सङ्ख्या वृद्धि हुने क्रम बढ्ने तथा कोरोना परीक्षणका लागि किट अभाव हुने अवस्था आएपछि नगरपालिका आफैले भीटीएम खरिद गरेर ल्याएको जानकारी दिए । “अहिलेको अवस्थामा प्रदेश र सङ्घ सरकारको मात्रै मुख ताक्नुभन्दा पनि स्थानीय सरकार आफै क्रियाशील भएर किट खरिद गरेका हौ,” उनले भने, “किट आएसँगै क्वारेन्टाइन बसेकाका स्वाब सङ्कलनलाई तीव्रता दिन सहज हुन्छ ।”
भीटीएम खरिद गरेर ल्याउने बित्तिकै नगरपालिकाले भानु नगरपालिका–२ स्थित शारदा कलेजको क्वारेन्टाइनमा बसेका २३ जनाको आइतबार स्वाब सङ्कलन गरी परीक्षणका लागि पोखरा पठाएको छ । जिल्लाको शुक्लागण्डकी नगरपालिकाले पनि भिटिएम खरिद गर्ने तयारी गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजीपीलाई एसियाकै ठूलो श्वासप्रश्वास उपचार केन्द्र बनाइँदै
बैशाख ३१, २०८१ सोमबार
बैतडीका चिकित्सक आन्दोलित, आकस्मिक बाहेकका सेवा बन्द
बैशाख ३०, २०८१ आइतबार
सिद्धार्थनगर सिटी अस्पतालमा न्यूरो र जनरल सर्जरीको विशिष्टिकृत सेवा
बैशाख २६, २०८१ बुधबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
सुदूरपश्चिमका मुख्यमन्त्री सोडारीले जेठ ३ गते विश्वासको मत लिने, एमाले अझै अनिर्णित !
बैशाख ३१, २०८१ सोमबार
कपिलवस्तुमा राष्ट्रिय एकता अभियानको सम्मेलन सम्पन्न
बैशाख ३१, २०८१ सोमबार
ओलम्पिकमा छनौट भएका प्रिन्सको तयारी बारे घिसिङको चासो
बैशाख ३१, २०८१ सोमबार
ग्लोबल आइएमई बैंक ग्लोबल फाइनान्सको “बेष्ट बैंक अवार्ड”बाट सम्मानित
बैशाख ३१, २०८१ सोमबार