ललितपुरका सञ्चारकर्मीलाई सौन्दर्य सामाग्री हस्तान्तरण

२७ जेठ, काठमाडौं । हरिप्रिया प्रकाश फाउन्डेसनले नेपाल पत्रकार महासंघ र नेपाल प्रेस युनियन ललितपुरलाई सौन्दर्य तथा स्वास्थ्य सामाग्री वितरण गरेको छ । नेपाली कांग्रेसका युवा नेता एवं सामाजिक अभियन्ता क्षितिज भण्डारीले ग्लोब्स र मास्कसँगै डाबरको रियल जुस, मन्जन, तेल, हिमालयको फेसवास, साबुन र सैम्फु हस्तान्तरण गरेका हुन् ।

नेपाल पत्रकार महासंघ ललितपुरका अध्यक्ष ज्ञानप्रसाद पौडेल नेतृत्वको पदाधिकारी एवं पत्रकारहरुको टोली र नेपाल प्रेस युनियन ललितपुरका उपाध्यक्ष केदारनाथ दाहाल तथा युनियनका पदाधिकारी एवं सदस्यहरुलाई उक्त सामाग्री हस्तान्तरण गरिएको थियो । युवानेता भण्डारीको यो पहलकदमीमा स्वास्थ्य सामाग्री हस्तान्तरण निकै राम्रो अझ सौन्दर्य सामाग्रीमार्फत मुस्कान ल्याउने अभियानबाट आफुहरु उत्साहित भएको अध्यक्ष पौडेलले बताएका छन् ।

त्यस्तै नेपाल प्रेस युनियनले गैरराजनीतिक तवरले सञ्चारकर्मीलाई फाउन्डेसनको सहयोग बितरण निरन्तर जारी राख्न आव्हान गर्दै अरु संघसंगठनलाई पनि संस्थागत र पारदर्शी आर्थिक राहत प्याकेज, पीपीई, केएन ९५ मास्क सयौंको संख्यामा उपलब्ध गराउन अनि बिश्वासनिय परीक्षणको दायरा बढाउन आग्रह गरेका छन् ।

फाउन्डेसनले अनाथालय र बढी जनघनत्व भएको बस्तीमा राहत बितरण जारी राखेको जनाएको छ ।