आज प्रधानमन्त्रीले सांसदले उठाएका प्रश्नको जवाफ दिने

२८ जेठ, काठमाडौं । प्रधानमन्त्री केपी शर्मा ओलीले बुधबार संसदमा बजेटलाई लिएर सांसदले उठाएका प्रश्नको जवाफ दिने भएका छन् । प्रतिनिधिसभाको बैठक बुधबार बिहान ११ बजेपछि बस्दैछ । आजकाे बैठकमा प्रधानमन्त्री ओली उपस्थित हुने संसद सचिवालयको कार्यसूचि उल्लेख छ ।

प्रधानमन्त्री ओलीले विनियोजन विधेयक अन्तर्गत प्रधानमन्त्री तथा मन्त्रीपरिषदको कार्यालय, राष्ट्रिय योजना आयोगको सचिवालय, राष्ट्रपतिको कार्यालय एवं उपराष्ट्रपतिको कार्यालयको विभिन्न शिर्षकमाथिको छलफलमा सांसदले उठाएका प्रश्नको जवाफ दिने छन् ।

प्रधामनमन्त्री ओलीले सबै सांसदका प्रश्नको जवाफ समग्रमा दिने तयारी रहेको छ। संसदको आजको बैठकमा सभामुख अग्नि प्रशासद सापकोटाले सांसदहरुबाट प्रस्तुत भएका खर्च कटौती प्रस्तावहरु निर्णयार्थ पेश गर्ने छन् ।

यस्तै बुधबार विनियोजन विधेयक २०७७ का दफाहरु निर्णयार्थ पेश गर्ने तथा अर्थमन्त्री डा. युवराज खतिवडाले विनियोजन विधेयक पारित गरियोस् भन्ने प्रस्ताव पेश गर्ने कार्यसूचि रहेको छ ।

यसैगरी अर्थमन्त्री खतिवडाले आर्थिक विधेयक, राष्ट्र ऋण उठाउने विधेयक र ऋण तथा जमानत ९चौबिसौँ संशोधन० विधेयक माथि विचार गरियोस् भन्ने प्रस्ताव पेश गर्ने संसद सचिवालयले जनाएको छ ।