सरकारविरुद्ध प्रदर्शनी जारी

३२ जेठ, काठमाडौं । कोरोना महामारीका बेला केपी शर्मा ओली नेतृत्वको सरकार भ्रष्टाचारमा लिप्त भएको भन्दै देशव्यापी रुपमा जारी युवाहरुको प्रदर्शनीले आजपनि निरन्तरता पाएकोछ । आज बिहानैदेखि राजधानीको बौद्ध क्षेत्रमा युवाहरु भेला भई ओली सरकारको भ्रष्ट चरित्रको विरोध गरेका छन् । स्वतस्फुर्त निस्किएका युवाहरुले ओली सरकारको गैरजिम्मेवार कार्यशैली र प्रवृत्तिको जोडदार विरोध गरिरहेकाछन् । सरकार भने यसमा भारतीय पक्षको समर्थन रहेको आरोप लगाइरहेका थियो ।

हिजो प्रतिनिधिसभा बैठकले नेपालको नयाँ नक्शा बमोजिमको निशाना छाप परिवर्तन गर्न सर्वसम्मतिले पारित गरेको घटनालाई आन्दोलनकारीले समर्थन गरेका छन् । यद्यपि सरकारी पक्षले भने भारतद्वारा परिचालित भएको आरोप उनीहरुमाथि लगाउँदै आएको थियो । देश महामारीमा फसेका बेलासमेत सरकारी पदाधिकारीले अनियमितता र भ्रष्टाचार गरेको भन्दै बालुवाटारबाट आन्दोलनको थालनी गरेका हुन् ।

भ्रष्टाचारीलाई कारबाही गर्न भन्दै शान्तिपूर्ण आन्दोलनमा ओर्लिएका युवाहरुमाथि सरकारले बल प्रयोग गरिरहेको छ । आजको प्रदर्शनीमा युु्वाहरुले बढो गज्जबका स्लोगन सहितको ब्यानर र प्लेकार्ड प्रदर्शन गरेका थिए । सरकारलाई करको चिन्ता नेपालीलाई भोकको चिन्ता, लूतन्त्र चोरतन्त्र, पीसीआर भनेको प्रेसिडेन्टस कार्पेट रिप्लेसमेण्ट भनेको हो सरकार ? लेखिएका छन् ।

यस्तै प्लेकार्डहरुमा युुवा अब एकजुट हो, प्लेन भाडा ब्रम्हलूट हो, भारतले सीमा मिच्यो, देश कोरोनाले थिच्यो, सरकारले १० अर्ब घिच्यो भन्ने वाक्यांशको प्रयोग भएको छ ।