असार मसान्तसम्म सवारी करमा जरिवाना नलाग्ने

२ असार,काठमाडाैं । बाग्मती प्रदेशले असार मसान्तसम्म सवारी करमा जरिवाना नलिने भएकाे छ । गत चैत ११ देखि असार मसान्तसम्म कुनै पनि प्रकारको सवारी करमा जरिवाना नलिने भएको निणर्य भएको छ ।

भौतिक पूर्वाधार विकाश मन्त्रालय, बाग्मती प्रदेशका सचिव तेजराज भट्टले अनुमतिपत्रको म्याद नाघेको जरिवाना, सवारी कर, अन्य दस्तुर तथा जरिवाना नलिने निणर्य भएको बताएका छन् । साेही अनुसार सम्बन्धित कार्यालयहरूमा परिपत्र गरिएकाे बताइएकाे छ ।

गत १ गतेदेखि यातायात कार्यालय खुलेपनि जरिवाना कति असुल गर्ने भन्नेबारे भन्ने अन्यौल भएको थियो । विभिन्न यातायात कार्यालयहरुले सूचना नै जारी गरेर यी विषयमा स्पष्ट निर्देशन प्राप्त नभएको कारण सवारी चालक अनुमतिपत्र वितरण बाहेक अन्य कार्य नहुने भनिएको थियो ।