बर्षाले वाग्मती प्रवेश गर्ने सडक तीन दिनदेखि अवरुद्ध
नेपालबहस संवाददाता
असार ४, २०७७ बिहिबार २२:११:४२
४ असार, ललितपुर । दैनिक भैरहेको वर्षाले यहाँको वाग्मती, महाँकाल र कोञ्ज्योसोम गाउँपालिकामा समस्या पारेको छ । वाग्मती प्रवेश गर्ने सडक तीन दिनदेखि अवरुद्ध हुनपुगेको छ ।
यहाँका किसानले उत्पादन गरेका दूध र तरकारी घरघर र खेतबारी रहेको वडा नं ५ इकुडोलका वडाध्यक्ष साजनदर्लामी मगरले बताए। उनले भने, “हिजोको अविरल वर्षाले पहिरो गई यसै वडाको सानोचिल्ला भन्ने स्थानका केशव तिमल्सिनाको घर पहिरोले पुरिएको छ । पहिराले घर पुरिँदा दुई मानिस भाग्न सफल भइ सकुशल छन् ।” सो वडाको बेसरी बस्तीका २० घरपरिवार जोखिममा परेको जनाइएको छ । उनले भने, “यस वडाबाट हप्ताको तीन ट्रक तरकारी र दैनिक दुई हजार ५०० लिटर दूध उत्पादन भएर बजार जाने गथ्र्यो, सो अहिले त्यसै रहन बाध्य छ ।”
महाँकाल गाउँपालिका वडा नं ३ गोटिखेलका दुई घर र वडा नं ४ कालेश्वरको एक गरी तीन घर जोखिममा परेको निवेदन गाउँपालिकामा आएको अध्यक्ष रामचन्द्र दाहालले बताए। उनले भने, “यहाँका बढीजसो सडक पहिरोले अवरुद्ध हुँदा बजार आउनुपर्ने सम्पूर्ण सामग्री त्यसै रहन बाध्य भएका छन् ।”
कोञ्ज्योसोमको वडा नं २ शङ्खु र वडा नं ३ दलचोकीमा वर्षाले समस्या पारिरहेको गाउँपालिकाका उपाध्यक्ष मिङ्मा लामाले बताए । उनले भने, “शङ्खु कृषि र पशुपालनको पकेट क्षेत्र रहँदा दैनिक यहाँबाट बजार जाने रु सात लाख बराबरको दूध र तीन गाडी तरकारीलाई किसान त्यसै घरमा राख्न बाध्य भएका छन् ।”
यसैगरी गत जेठ १३ गते आएको ठूलो हावाहुरीले महाँकाल र वाग्मतीमा क्षति पु¥याएको थियो । महाँकालको वडा नं ६ ठूलादुलुङमा मात्र ९० प्रतिशत रु ४० लाख बराबरको अन्न र मकैबाली, रु दुई लाख बराबराको केराखेती र ३० तरकारीका टनेल पूर्णरूपमा नोक्सान भएको वडाध्यक्ष रामकृष्ण आचार्यले जानकारी गराएका थिए । वाग्मतीको वडा नं ७ गिम्दीमा पनि हावाहुरीले क्षति पु¥याउँदा ७० प्रतिशत मकैबाली नष्ट भएको थियो । वाग्मतीमै फौजी किराको प्रकोपले वडा नं १ घुसेल, २ माल्टा, ४ प्युटार र ६ आश्राङको मकैबालीमा असर पारेको जनाइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलगानी सम्मेलनमा एक सय ५१ परियोजना प्रस्तुत गरिँदै
बैशाख १४, २०८१ शुक्रबार
निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
बजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
रवि किशनलाई ठूलो राहत, डीएनए परीक्षण गर्न अस्वीकार
बैशाख १४, २०८१ शुक्रबार
वैदेशिक रोजगारमा पठाइदिन्छु भन्दै ठगी गर्ने दुई जना पक्राउ
बैशाख १४, २०८१ शुक्रबार
भरतपुरका होटलले पर्यटकलाई छुट दिने
बैशाख १४, २०८१ शुक्रबार
जापानका प्रधानमन्त्रीले फ्रान्स, ब्राजिल र पाराग्वेका भ्रमण गर्ने
बैशाख १४, २०८१ शुक्रबार
कोका–कोला ब्रान्डेड प्लास्टिक प्रदूषणको विश्वको सबैभन्दा ठूलो उत्पादक
बैशाख १४, २०८१ शुक्रबार
आइतबारदेखि हात्तीपाइले रोगविरुद्ध औषधि खुवाइने
बैशाख १४, २०८१ शुक्रबार