कैलालीमा थप एक जना स्वास्थ्यकर्मीमा कोरोनाको पुष्टि

७ असार, कैलाली । कैलालीमा थप एक जना स्वास्थ्यकर्मीमा कोरोना संक्रमण पुष्टि भएको छ । जिल्लाको जानकी गाउँपालिकामा रहेको पथरीया स्वास्थ्य चौकीमा कार्यरत स्वास्थ्यकर्मीलाई कोरोना संक्रमण पुष्टि भएको हाे ।

लामो समयदेखि क्वारेन्टाइनमा रहेकाहरूको स्वास्थ्य परीक्षणमा खटिएकी २८ वर्षीया महिला स्वास्थ्यकर्मीमा संक्रमण पुष्टि भएको छ। उनकाे जेठको ३० गते स्वाब संकलन गरिएको थियाे । उनकाे शनिबार काेराेना पोजेटिभ रिर्पार्ट आएकाे हाे ।

उनलाई अहिले पथरीया स्वास्थ्य चौकीमै आइसोलेसन वार्ड तयार गरी त्यहीँ राखिएको छ। योसँगै सुदूरपश्चिम प्रदेशमा ६ जना स्वास्थ्यकर्मीमा संक्रमण पुष्टि भएको छ । यसअघि कञ्चनपुरका २ जना, डडेल्धुराका २ जना र सेती प्रादेशिक अस्पतालमा १ स्वास्थ्यकर्मीमा संक्रमण पुष्टि भएको थियो ।