नेपाल स्वयंसेवक संघ युवा संगठनको गण्डकी प्रदेश सचिवमा खगेन्द्र भण्डारी नियुक्त

११ असार, स्याङ्जा । देशभरका स्वतन्त्र, प्राज्ञिक एवं बौद्धिक युवाहरुको साझा संस्था नेपाल स्वयंसेवक संघ युवा संगठन गण्डकी प्रदेशको सचिवमा स्याङ्जाका सामाजिक अभियान्ता खगेन्द्र भण्डारी नियुक्त भएका छन् ।

स्वयंसेवक संघ युवा सङ्गठन नेपालले आज एक विज्ञप्ति जारी गर्दै भण्डारीलाई नियुक्ति गरिएको जानकारी दिएको हो । सामाजिक रुपमा क्रियाशिल यो संस्थाले देशैभर आफ्ना गतिविधि गरिरहेको र समाज परिवर्तनका लागि अब युवाहरु नै लाग्ने गण्डकी प्रदेशका अध्यक्ष सुजन सापकोटाले बताए ।

महासचिव भण्डारी सामाजिक कार्यमा निकै क्रियाशिल रहेका युवा हुन् । उनी मालुङ्गा सार्वजनिक बहुमुखी क्याम्पसका स्ववियु सभापतिका साथै गल्याङ जेसिजका महासचिव समेत रहेका छन् ।