नागरिकता संशोधन विधयेकको विरोघमा नेविसंघद्धारा सिठी जुलुस

◊ धीरुभाइ

१२ असार, सप्तरी । नेपाली कांग्रेसका भातृ संगठन नेबिसंघ सप्तरीले शुक्रबार सिठी जुलुस प्रदर्शन गरेको छ । नेबिसंघ र तरुण दल सप्तरीका नेताहरु सहभागी भएको सिठी जुलुस नगरको जन आन्दोलन चौकमा नागरिकता संशोधन विधयेक खारिज, पीसीआर परीक्षण बढाउन, लकडाउन अबधिभरको घर भाडा मीनाहा, बैंकको ब्याज मिनहा, विद्युत शुल्क मिनहा, विद्यार्थी शुल्क मिनहा, क्वारेन्टाइन ब्यवस्थित, कृषकहरूलाई मल तथा बीउ निःशुल्क उपलब्ध गराउन लगायतको माग गर्दै प्रदर्शन गरेको हो ।

नेपाली कांग्रेस पार्टी कार्यालयबाट निस्किएको सिठी जुलुस नगरको विभिन्न भागको परिक्रमा गरेको थियो । सो जुलुसमा नेविसंघका पूर्व सहमहामन्त्री इर्साद अन्सारी, कांग्रेस नगर सभापति शम्भुलाल देव, कांग्रेस नेता अर्जुनप्रसाद साह, प्रदिप यादव, वडा अध्यक्ष समिर झा, विद्यार्थी नेता रमानन्द देव, लगायतको सहभागीता रहेको थियो ।