विश्वभर कोरोनाबाट मृत्यु हुनेको संख्या पाँच लाख नाघ्यो

१५ असार, काठमाडौं । विश्वभर कोरोना भाइरसबाट मृत्यु हुनेको संख्या पाँच लाख नाघेको छ । यो समाचार तयार पार्दासम्म विश्वभर कोरोना भाइरसको कारण मृत्यु हुनेको संख्या पाँच लाख चार हजार ४६६ पुगेको हो ।

अमेरिकामा अहिलेसम्म एक लाख २५ हजार ८०३ जनाको मृत्यु भइसकेको छ भने ब्राजिलमा पनि मृत्यु हुनेको संख्या ५७ हजार ६२२ पुगेको छ । बेलायतमा पनि ४३ हजार ६३४३ जनाको मृत्यु भइसकेको छ । इटालीमा पनि मृत्यु हुनेको संख्या ३४ हजार ७३८ पुगेको छ । फ्रान्समा पनि कोरोना भाइरसबाट मृत्यु हुनेको संख्या २९ हजार ७८१ पुगेको छ ।

अहिलेसम्म विश्वभर कोरोना भाइरसबाट संक्रमित हुनेको संख्या १ करोड २ लाख ४९ हजार ४६० पुगेको छ । हालसम्म ५५ लाख ५६ हजार भन्दाधेरै उपचारपछि निको भएर घर फर्किएका छन् ।