नेकपाको स्थायी समिति बैठकमा प्रधानमन्त्री ओलीको राजीनामा माग

१६ असार, काठमाडौं । सत्तारुढ नेपाल कम्युनिष्ट पार्टी नेकपाको स्थायी समिति बैठकमा अध्यक्ष तथा प्रधानमन्त्री केपी शर्मा ओलीको राजीनामा माग गरिएको छ । नेताहरुले ओली पार्टी र सरकार दुबैमा असफल भएको भन्दै राजीनामा दिन माग गर्ने भएका हुन् ।

मंगलबारको सचिवालय बैठकमा प्रधानमन्त्री ओलीप्रति तिब्र आलोचना र राजीनामाको माग बर्षिने सम्भावना छ । बालुवाटारमा जारी बैठकमा अर्का अध्यक्ष प्रचण्ड र बरिष्ठ नेता माधव कुमार नेपाल पक्षका नेताहरुले ओलीको राजीनामा माग गर्ने तयारी गरेका हुन ।

पछिल्लो समय ओलीले पार्टीभित्रको आलोचनाबाट बच्नका लागि भारतले आफूलाई हटाउन खोजेको सार्वजनिक अभिव्यक्ति दिएका थिए । तर सो अभिव्यक्तिपछि ओली झन विवाद र आलोचनामा परेका छन । पार्टीको आलोचना छल्न भारतीय कार्ड फ्याकेका ओलीलाई त्यसले पनि काम गर्न नसकेपछि झन तनाव सिर्जना भएको छ ।

जसले गर्दा ओलीको प्रधानमन्त्री पद खतरामा परेको छ । यसअघि नेकपा फुटाउने गरी अध्यादेश ल्याउँदा नै नेताहरुले ओलीको राजीनामा माग गरेका थिए । तर उनले त्यतिबेला आत्मालोचना गरेपछि पद जोगिएको थियो । राजीनामा माग्ने डरले नै ओलीले स्थायी समिति बैठक बोलाउन आनाकानी गर्दै आएका थिए ।

यतिबेला आफु अनुुकुल समय परेको भन्दै ओलीले स्थायी समिति बैठक बोलाएपनि उनको राजीनामा भने झन पेचिलो बनेको छ । स्थायी समिति बैठकमा अहिलेसम्म सीमा विवाद, कोरोना नियन्त्रणमा मात्रै छलफल भएको छ । रुकुम सोतीमा भएको जातीय नरसंहारको घटना, कोरोना नियन्त्रणमा भएको अर्बौ भ्रष्टाचार विषयले पनि ओलीको राजीनामा झन चर्किएको छ ।