४५ दिने शिशुमा पनि कोरोना संक्रमण

१६ असार, काठमाडौं । काठमाडौँ उपत्यकामा ४५ दिने शिशुमा पनि कोरोना देखिएको छ । त्रिवि शिक्षण अस्पताल, महाराजगञ्जमा उपचाररत ४५ दिने शिशुमा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालय स्रोतले जनाएको छ ।

सोमबार शल्यक्रिया गरिएका शिशुको मंगलबार मात्रै रिर्पोट आएको हो । रिर्पोटमा कोरोना पोजेटिभ देखिएपछि उनको शल्यक्रिया गर्ने चिकित्सक, आफन्त पनि त्रतिस बनेका छन ।

श्वासप्रश्वासमा समस्या भएपछि चिकित्सकहरुले सोमबार आकस्मिक रुपमा घाँटीको शल्यक्रिया गरेका थिए । सोमबार मात्र ललितपुरको अढाइ वर्षका बालकमा पनि कोरोना संक्रमण पुष्टि भएको थियो ।