आजै एकैदिन ४८२ जनामा कोरोना संक्रमणको पुष्टि

१७ असार, काठमाडाैं । बुधबार एकै दिन आजै एकैदिन थपिए ४८२ जनामा कोरोना संक्रमणको पुष्टि भएकाे छ । स्वास्थ्य तथा जनस‌ंख्या मन्त्रालयका अनुसार अहिलेसम्म संक्रमितको संख्या १४ हजार ४६ पुगेको छ ।

पछिल्लो २४ घण्टामा थपिएका कोरोना संक्रमित  मध्ये १ सय १७ महिला र ३ सय ६५ जना पुरुष रहेका छन्।अहिलेसम्म निको हुनेको संख्या ४ हजार ६ सय ५६ जना रहेको प्रवक्ता डा. जागेश्वर गौतमले जानकारी दिएका छन् ।

मंगलबारसम्म कोरोनाका विरामी १३ हजार पाँच सय ६४ जना थिए। यो संख्या बढेर बुधबार १४ हजार ४६ जना पुगेको हो। अहिलेसम्म चार हजार छ सय ५६ जना कोरोना निको भएर घर फर्किएका छन्।

कोरोनाबाट नेपालमा अहिलेसम्म ३० जनाको मृत्यु भएको छ। बुधबार अछामका एक जनाको मृत्यु भएको हो। उनी मधुमेहका बिरामी थिए। गत असार १६ गते उनमा कोरोना पुष्टि भएको थियो।

मन्त्रालयले छिटै १० वटा प्रयोगशाला थप गरी परीक्षण गर्ने प्रवक्ता गौतमले बताए। स्वास्थ्यकर्मीलाई पीपीईलगायत स्वास्थ्य सामग्री पर्याप्त उपलब्ध गराइएको उनले जानकारी दिए।