दुई स्वास्थ्यकर्मीसहित ललितपुरका ७ जनामा कोरोना संक्रमण

१७ असार, काठमाडौं । बुधबार उपत्यकामा भेटिएका संक्रमितमध्ये ललिपुरका दुई जना स्वास्थ्यकर्मी पनि रहेको पाइएको छ । दुई जना स्वास्थ्यकर्मीसहित ७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

चापागाउँका ६६ वर्षका पुरुष र ललितपुर महानगरपालिका– ८ लुुभुकी २३ वर्षीया महिलामा पनि संक्रमण छ । यस्तै वडा नम्बर १५ सातदोबाटोकी ३४ वर्षीया महिला, वडा नम्बर १४ नख्खीपोटकी ३३ वर्षीया महिला र वडा नम्बर २३ हात्तीबनकी २४ वर्षीया महिलामा पनि संक्रमण पुष्टि भएको छ । उनीहरु मध्ये दुई जना स्वास्थ्यकर्मी हुन् ।

बुधबार काठमाडौँ उपत्यकामा १७ जनामा संक्रमण देखिएको थियो । संक्रमण बढ्दै जाँदा काठमाडौँमा जोखिम पनि बढेको छ ।