सप्तरीमा थप नौ जनासहित संक्रमितको संख्या ३०३ पुग्यो

◊ धीरुभाइ

२० असार, सप्तरी । आज नौ जनामा थप कोरोना संक्रमण पुष्टि भएसँगै सप्तरीमा कोरोना संक्रमतिको संख्या ३०३ पुगेको छ । स्वास्थ्य कार्यालय सप्तरीका अनुसार नयाँ थपिएको संक्रमितहरु जिल्लाको हनुमाननगर कंकालीनी नगरपालिका वार्ड नम्बर १ का १८ वर्षका पुरुष, वार्ड नम्बर २ का ३२, ३६, ४० वर्षका पुरुष, वार्ड नम्बर १४ का २७, ३०, ३८ वर्षका पुरुष गरी सात जना र महदेवा गाउँपालिका वार्ड नम्बर १ का ५५ वर्ष, वार्ड नम्बर ६ का १७ वर्षका पुरुष गरी दुई जना रहेको छ ।

सम्बन्धित स्थानीय तहले सञ्चालन गरेको क्वारेन्टाइनमा रहेको नयाँ संक्रमितहरुको स्वाब संकलन गरी राजविराज स्थित गजेन्द्र नारायण सिंह अस्पतालको प्रयोगशालामा पीसीआर परीक्षण गरिएको स्वास्थ्य कार्यालय सप्तरीका निमित प्रमुख दुनियालाल यादवले बताए ।

यसैगरी हिजो शुक्रबार साँझ दुई महिला (एक बालिका) सहित २५ जना नयाँ संक्रमित थपिएको थियो । छिन्नमस्ता गाउँपालिकामा चार, हनुमाननगर कंकालीनी नगरपालिकामा सात वर्षीया बालिकासहित नौ, डाक्नेश्वरी नगरपालिकामा एक महिलासहित पाँच, खडक नगरपालिकामा पाँच, राजगढ गाउँपालिका र शम्भुनाथ नगरपालिकामा एक÷एक जना नयाँ व्यक्तिमा कोरोना भाइरस संक्रमण पुष्टि भएको स्वास्थ्य कार्यालयका निमित प्रमुख यादवले बताए ।

उनीहरु सात वर्षमाथि देखि ५२ वर्षमुनिका रहेका छन । तीमध्ये छिन्नमस्ता गाउँपालिकाका २१, २७, ३९, ४१ वर्षका पुरुष, राजगढका ३२ वर्षका पुरुष, डाक्नेश्वरी नगरपालिकाका ७ वर्षीया बालिका, ३३, १९, ३० र उमेर नखुलेका पुरुष, खडक नगरपालिकाका ४१, २८, ३०, २८, ४१ वर्षका पुरुष, शम्भुनाथ नगरपालिकाका १८ वर्षका पुरुष र हनुमाननगर कंकालीनी नगरपालिकाका ५२, २३, २५, २०, ४२, ३०, ४३, ३६ वर्षका पुरुष र ३० वर्षकी महिला रहेका छन ।

क्वारेन्टाइनमा रहेका उनीहरुको पनि राजविराज स्थित गजेन्द्र नारायण सिंह अस्पतालको प्रयोगशालामा पीसीआर परीक्षण गरिएको थियो । कोरोना पुष्टि भएका मानिसहरु क्वारेन्टाइनमै रहेको उनले राजविराज स्थित आइसोलेसन केन्द्रमा ल्याउने व्यवस्थान गरिरहेको बताए । गएरातीदेखिको मूसलधारे वर्षाले आइसोलेसनमा भर्ना गराउन नसकिएकोले चाडै ल्याउने तयारी भइरहेको बताए ।