बार्यनले जित्यो जर्मन कपको उपाधि

२१ असार, काठमाडौं । बार्यन म्युनिखले २० औं पटक जर्मन कपको उपाधि जितेको छ । गएराति भएको खेलमा बायर लिभरकुसेनलाई हराउँदै बार्यनले जर्मन कपको उपाधि जितेको हो । योसँगै बार्यनले १३ औं पटक एकै सिजनमा दुई वटा घरेलु उपाधि उचालेको छ ।

बर्लिनमा भएको खेलमा बार्यनको जितमा रोबेर्ट लेवान्दोस्कीले दुई गोल गरे । अलबरा र गिनिब्रेरीले एक एक गोल गरे । यो जितपछि बार्यनले लगातार २६ खेलसम्म अपराजित रहने कीर्तिमान पनि बनाएको छ ।