नेकपामा केन्द्रिय समिति बैठक बोलाउन हस्ताक्षर संकलन अभियान

२१ असार, काठमाडौं । स्थायी कमिटी बैठकमा थप विवाद बढेर सरकार ढल्ने तथा पार्टी नै फुट्ने लक्षण देखिएपछि सत्तारुढ नेकपामा गम्भिर संकट उत्पन्न भएको छ । प्रधानमन्त्री केपी शर्मा ओली पार्टीको निर्णय मान्न छाडेर कांग्रेससँग मिलेर सत्ता चलाउने योजना बुनिरहेका बेला नेकपाका नेताहरुले केन्द्रिय समिति बैठक बोलाउन हस्ताक्षर संकलन अभियान शुरु गरेका छन ।

पार्टीको फूटमा अघि बढेपछि नेकपाका नेताहरुले हस्ताक्षर अभियान संकलन शुरु गरेका हुन । स्थायी कमिटी बैठकबाट निकास ननिस्केपछि नेताहरुले केन्द्रिय समिति बैठक बोलाउन नेतृत्वसँग माग गरेका हुन । अहिलेसम्म डेढ सय बढी नेताहरुले हस्ताक्षर अभियानमा सही छाप गरिहेका छन ।

नेकपामा स्थायी कमिटी बैठकमा अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षले प्रधानमन्त्री एवं पार्टी अध्यक्ष केपी शर्मा ओलीले दुवै पद छाड्नुपर्ने माग गरेका छन् । तर ओलीले कुनै हालतमा दुवै पद नछाड्ने अडान लिएपछि सत्ता संकट गहिरिएको छ । साथै नेकपा फुटमा अग्रसर भएको छ ।