भारतबाट आउनेको कमी आएसँगै सामान्य बन्दै विद्यालय क्षेत्रको अवस्था
नेपालबहस संवाददाता
असार २२, २०७७ सोमबार १८:४५:३
२२ असार, कैलाली । कोरोना भाइरसको रोकथाम तथा नियन्त्रणका लागि क्वारेन्टिनका रुपमा रहेका विद्यालयको अवस्था भारतबाट आउने नागरिकको कमी आएसँगै सामान्य बन्दै गइरहेको छ । कैलालीका अधिकांश स्थानीय तहले विद्यालयलाई क्वारेन्टिन बनाएका थिए । गत जेठको अन्तिम सातासम्म भरिभराउ रहेका क्वारेन्टाइन खाली हुँदै गएपछि विद्यालयले प्रशासनिक गतिविधि शुुरु गर्न थालेका छन् ।
स्रोतसाधनको अभाव भएका स्थानीय तहमा बनेका क्वारेन्टिन अव्यवस्थित भएको गुनासो आए पनि भारत तथा तेस्रो मुलुकबाट आउने नागरिकमा कमी आएसँगै विद्यालयले प्रशासनिक गतिविधि शुुरु गरेका छन् । टीकापुर क्षेत्रका विद्यालयमा रहेको क्वारेन्टिन खाली भएपछि स्थानीय तहले त्यस क्षेत्रलाई सेनिटाइज गर्दै आएको छ । विद्यालयले दैनिक प्रशासनिक काम शुरु गर्नाका साथै विद्यार्थीलाई पाठ्यपुस्तक वितरण, छात्रवृत्तिका लागि सूचना आह्वान, बाहिरबाट आउने विद्यार्थीको भर्नाका लागि तथ्याङ्क सङ्कलनलगायत काम शुुरु गरिएको कर्णाली नमूना माध्यमिक विद्यालय टीकापुरका प्रधानाध्यापक धर्मराज शर्माले बताए ।
उनले विद्यालयमा अध्ययनरत विद्यार्थी तथा अभिभावकसँग समन्वय गर्ने, आन्तरिक काम गर्ने, शिक्षकसँग आउँदो शैक्षिकसत्रका लागि आन्तरिक छलफललगायत काम शुरु भएको बताए ।त्यस्तै वीरेन्द्र विद्यामन्दिर माध्यमिक विद्यालय टीकापुरका प्राचार्य यज्ञराज ज्ञवालीले प्रशासनिक काम र नयाँ आउने विद्यार्थीको अभिलेखीकरण राख्ने काम भइरहेको बताए । ‘विद्यालयका आन्तरिक कामहरु शुरु गरेका छौंँ । आर्थिक वर्षको अन्तको मसान्त भएको हुँदा फरफारकका कामहरु पनि गर्नुपर्ने भएकाले प्रशासनिक कामहरुलाई निरन्तरता दिनुपर्ने बाध्यता पनि छ ।’ प्राचार्य ज्ञवालीले भने, ‘शिक्षकहरु विद्यालय आउँछन् । विद्यार्थी–अभिभावकहरुसँग समन्वय गर्ने, पाठ्यपुस्तकहरुका बारेमा छलफल गर्ने कामहरु भइरहेको छ ।’
वीरेन्द्र विद्यामन्दिरले विद्यार्थीलाई दूरशिक्षा प्रणालीमार्फत अनलाइन कक्षासमेत सञ्चालन गर्दै आइरहेको छ । अनलाइन कक्षा सञ्चालन गरे पनि सबै विद्यार्थीको पहुँच पुग्न नसकेकाले प्रभावकारी हुन नसकेको प्राचार्य ज्ञवालीले बताए ।भजनी नगरपालिकाभित्रका सामुदायिक विद्यालयले पनि विद्यालयका आन्तरिक क्रियाकलापलाई निरन्तरता दिन थालेका छन् । विद्यार्थीलाई पाठ्यपुस्तक वितरणदेखि विद्यालयको वार्षिक फरफारकको काम शुरु भएको महुन्याल माध्यमिक विद्यालय भजनीका प्रधानाध्यापक भूमीन्द्रप्रसाद भट्टले जानकारी दिए ।
‘विद्यालयका गतिविधि पूर्णरुपमा सुचारु हुन सकेको भने छैन । आर्थिक वर्षको मसान्त भएको हुँदा पनि वार्षिक फरफारकका कामहरु गर्नुपर्ने बाध्यता छ’, प्रधानाध्यापक भट्टले भने, ‘त्यस्तै विद्यार्थीलाई पाठ्यपुस्तक वितरण, निजी तथा संस्थागत विद्यालयबाट उत्तीर्ण भई आउने विद्यार्थीहरुको अभिलेखीकरण गर्दै पाठ्यपुस्तक वितरणका काम गर्दै आइरहेका छौ ।’ उनले भजनी नगरपालिकाभित्र क्वारेन्टिन निर्माण भएका विद्यालय खाली भएसँगै सो क्षेत्रमा सेनिटाइज गरी प्रशासनिक कामकाज सञ्चालन गर्ने काम भइरहेको बताए । त्यसैगरी अमर आधारभूत विद्यालयका प्रधानाध्यापक अन्तराम चौधरीले सामाजिक दूरी कायम गर्दै पाठ्यपुस्तक वितरण गर्नाका साथै भर्ना कार्यक्रमसमेत शुरु गरिएको बताए ।
घोडाघोडी नगरपालिकामा पनि विद्यालयले प्रशासनिक कामलाई निरन्तरता दिन थालेका छन् । राष्ट्रिय माध्यमिक विद्यालयका प्रधानाध्यापक सुबोधकुमार शर्माले विद्यालय खाली भएपछि सरसफाइ, विद्यार्थी भर्ना, पाठ्यपुस्तक वितरणलगायत काम शुरु गरिएको जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपूर्वाञ्चल विश्वविद्यालयः सात हजारभन्दा बढी विद्यार्थी दीक्षित
बैशाख १४, २०८१ शुक्रबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
कक्षा १२ को परीक्षा आजदेखि सुरु, तीन लाख ९० हजार आठ सय ४७ परीक्षार्थी सहभागी हुँदै
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
आइपिएलमा आज दुई खेल हुँदै
बैशाख १५, २०८१ शनिबार
आइपिएलमा कोलकोतामाथि पञ्जाबको कीर्तिमानी जित
बैशाख १५, २०८१ शनिबार
इलाम-२ र बझाङमा मतदान शुरु
बैशाख १५, २०८१ शनिबार
आजको मौसम : हावाहुरी र चट्याङसहित वर्षाको सम्भावना
बैशाख १५, २०८१ शनिबार
दैनिक भिन्डीको पानी पिउदा अचम्मका फाइदाहरु
बैशाख १५, २०८१ शनिबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार