राप्रपा अध्यक्ष राणा भन्छन्, सरकारबाट यस्तो गाइजात्रा कहिलेसम्म ?

२२ असार, काठमाडाैं । राष्ट्रिय प्रजातन्त्र पार्टी (राप्रपा) का अध्यक्ष पशुपति शमशेर राणाले सरकारलाई कोरोना नियन्त्रणका लागि सजग र सक्रिय रहन आग्रह गरेका छन् ।  साेमबार ट्विट गर्दै सरकारलाई यस्तो आग्रह गरेका हुन् ।  

उनले भनेका छन्,  संक्रमितको संख्या १६ हजार पुग्न थाल्यो। उपत्यकामा संक्रमण समुदायस्तरमा पुग्यो भन्ने चिन्ता बढीरहेको छ। तर नेकपा भित्रको चरम आन्तरिक कलहको कारण कोभिड–१९ विरुद्धको नेपाली संघर्ष बाटो भूलेको यात्रीसरह भएको छ। बहुमत प्राप्त सरकार बाट यस्तो गाइजात्रा कहिलेसम्म ?

अध्यक्ष राणा अगाडी लेख्छन्,  नेकपा भित्रको शक्तिसंघर्ष उत्कर्षमा पुग्दा न त मन्त्रिपरिषद्लाई यो डरलाग्दो स्वास्थ्य संकटबारे छलफल गरी दह्रो कदम चाल्न फुर्सद छ, न त यही कामको जिम्मा प्राप्त सीसीएमसी निर्देशन समितिले संक्रमणको समीक्षा गरी सही निर्णय नै लिन सकेको छ। सरकारको यो गैरजिम्मेवार व्यवहार कति दिन चल्ने ?