ओली र प्रचण्डबीच आज पनि वार्ता हुदै

२३ असार, काठमाडौं । सत्ता संकट र पार्टीभित्रको आन्तरिक कलह मिलाउन सत्तारुढ नेकपाका अध्यक्षद्धय प्रधानमन्त्री केपी शर्मा ओली र प्रचण्डबीच छलफल हुदै छ । छलफलका लागि प्रचण्ड बालुवाटार पुगिसकेका छन । केही समयपछि छलफल शुरु हुने नेकपाका नेताहरुले बताएका छन ।

स्थायी समिति बैठक दुईपटक प्रभावित भएका बेला अध्यक्ष प्रचण्ड र ओलीबीच सहमतिका लागि प्रयास जारी छ । यस्तै नेकपाका दोस्रो तहका नेताहरुबीच पनि छलफल जारी छ । तर ओलीले अध्यक्ष र प्रधानमन्त्री पद नछाड्ने अडान लिइरहेपछि सहमति हुन सकेको छैन । पछिल्लो समय चीनको हस्तक्षेप बढेपछि दुई नेतालाई मिल्न दबाब परेको छ ।