पाटन अस्पतालमा कोरोना संक्रमितको मृत्यु

२३ असार, काठमाडौं । ललितपुरको पाटन अस्पतालमा थप एक कोरोना संक्रमितको मृत्यु भएको छ । गोरखाका एक युवकको पाटन अस्पतालमा उपचारका क्रममा मृत्यु भएको हो । मृत्युपछि उनलाई कोरोना संक्रमण पुष्टि भएको हो ।

गोरखा भिमसेन थापा गाउँपालिकाका २७ वर्षीय पुरुष घरमा झुण्डिएपछि उनलाई थप उपचारका लागि पाटन ल्याइएको थियो । उपचारकै क्रममा उनको गएराती मृत्यु भएको हो ।

मृत्युपछि कोरोनाको आशंकामा स्वाब झिकेर परीक्षण गरिएको थियो । कोरोना परीक्षणमा रिर्पोट पोजेटिभ आएको अस्पतालले जनाएको छ ।