थप १०८ जनामा कोरोना संक्रमण पुष्टि

काठमाडौं । नेपालमा थप १ सय ८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ सय ८ जनामा संक्रमण पुष्टि भएको हो ।

यससँगै कोरोना संक्रमितको संख्या १६ हजार ५३१ पुगेको छ । पछिल्लो चौबिस घण्टामा ४ हजार ५ सय ८८ वटा पीसीआर परीक्षण गरिएको थियो । जसमा १ सय ८ जनामा संक्रमण पुष्टि भएको हो ।

यस्तै बिहीबार १ सय ३९ जना डिस्चार्ज भएका छन् । विभिन्न जिल्लामा कोरोना जितेकाहरु अस्पतालबाट डिस्चार्ज भएका हुन । यससँगै अहिलेसम्म ७ हजार ८ सय ९१ जना कोरोना संक्रमण निको भइ घर फर्किएका छन । तर ३५ जनाले भने कोरोनाकै कारण ज्यान गुमाएका छन ।