म्याग्दीका ठाउँ ठाउँमा पहिरो : ३२ जना बेपत्ता !

काठमाडौं । गएराती आएको अविरल बर्षाका कारण म्याग्दीका दर्जन बढी ठाउँमा पहिरो गएको छ । पहिरोमा परेर ३२ जना बेपत्ता भएका प्रहरीले जनाएको छ ।

म्याग्दीको धौलागिरि, मालिका र मंगला गाउँपालिका लगायतका ठाउँमा गएको पहिरोमा पुरिएर ३२ जना बेपत्ता भएका प्रहरीको भनाई छ ।

धौलागिरीको मराङमा गएको पहिरोमा सबैभन्दा धेरै २२ जना बेपत्ता छन । पहिरोमा परेर २ जनाको मृत्यु भएको भनिएपनि पुष्टि हुन बाँकी छ । पहिरोले गर्दा बाटो अबरुद्ध छ । उद्धारका लागि परिचालन भएको प्रहरी घटनास्थल पुग्न सकेको छैन ।