सप्तकोसी बाढीमा बगाउँदै गरेको अवस्थामा हरिण फेला

◊ धीरुभाइ

सप्तरी । सप्तरीको हनुमाननगर कंकालीनी नगरपालिका १४ रमपुरा स्थित सप्तकोसी नदीको बाढीमा बगाउँदै गरेको अवस्थामा एउटा हरिण फेला परेको छ ।

कोसी नदीमा बगाउदै ल्याई रहेको करिब ३० किलो तौल भएको हरिण फेला परेको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले बताए ।

कोसीको बाढीमा बग्दै गरेको अवस्थामा स्थानीय अरुण मुखियाले उद्धार गरी घरमा ल्याएर राखिएको बेला नियन्त्रणमा लिएर डिभिजन वन कार्यालयलाई जिम्मा लगाउन कार्य भइरहेको प्रहरीले बताइएको छ । बाढीमा बगेर आएको हरिण कोसी टप्पु वन्यजन्तु आरक्ष सुनसरीको हुन सकिने अनुमान गरिएको छ ।