नेपालका २१ हिमताल फुट्ने खतरामा !

काठमाडौं । नेपालका २१ वटा हिमताल फुट्ने खतरामा रहेको विज्ञहरुले बताएका छन । नेपालमा हिमतालका बारेमा अध्ययन, अनुसन्धान गर्ने संस्था इसीमोड र युएनडिपीका विज्ञहरुले नेपालका २१ हिमताल फुट्ने खतरामा रहेको बताएका छन ।

हिमाली क्षेत्रमा रहेका ४७ वटा हिमताल जोखिममा छन । तीमध्ये नेपालका २१ हिमताल फुट्ने खतरामा रहेका हुन । बाँकी २५ वटा चीन र एउटा भारतमा छ ।

इसिमोडका वैज्ञानिकहरुका अनुसार यो समय हिमताल फुट्ने जोखिम हुन्छ । हिउ पग्लने, हिमताल र नदीहरुमा धेरै पानी हुने भएकाले हिमताल फुट्ने जोखिम बढेको हो । अविरल बर्षापछि हुने चापले गर्दा हिमताल फुट्ने जोखिम धेरै हुने वैज्ञानिकहरुको भनाई छ ।

इसीमोड र युएनडिपीले गरेको अध्ययन अनुसार कोशी, गण्डकी र कर्णाली जलाधार क्षेत्रमा तीन हजार ६२४ हिमताल छन् । तर यी हिमताल फुट्ने जोखिम बढेपनि कसैले वास्ता गरेको पाइदैन ।