भारतले बाँध नभत्काउँदा नेपालमा डुबान : गृहमन्त्री थापा

काठमाडौं । बर्षायामसँगै बर्षेनी दोहोरिने डुबानको समस्या भारतका कारण निम्तिएको गृहमन्त्री रामबहादुर थापा बादलले बताएका छन् ।

सोमबार प्रतिनिधिसभाको राज्य व्यवस्था तथा सुशासन समितिको बैठकमा गृहमन्त्री थापाले भारतले सीमामा एकतर्फी बाँध बनाउँदा तराई तथा मधेसमा डुबान हुने गरेको बताएका हुन ।

उनले खुला रुपमा भारतले नेपालमाथि हस्तक्षेप गरेको पनि बताए । पटक पटक अवैध बाँध हटाउन भनेपनि भारतले त्यसलाई बेवास्ता गरेको गृहमन्त्री थापाको भनाई छ ।

मन्त्रीसँग छलफल गरेपछि राज्य व्यवस्था समितिले सीमामा भारतले निर्माण गरेको सडक र बाँध तत्काल हटाउन सरकारलाई निर्देशन दिएको छ ।