च्याम्पियन्स लिग खेल्ने म्यान्चेष्टर युनाईटेडको सपनामा धक्का

एजेन्सी । ईङ्लिस प्रिमियर लिग फुटबलमा म्यान्चेष्टर युनाईटेडले अप्रत्याशित बराबरी गरेको छ । जसले उसको च्याम्पियन्स लिग खेल्ने सपनामा धक्का लागेको छ । गएराती साउथह्याम्पटनसंग २–२ गोलको बराबरी रोकिएपछि म्यान्चेष्टर युनाईटेड कमजोर अवस्थामै रहेको हो ।

म्यान्युका लागि मार्कुस रसफोर्ड र एन्थोनी मार्सियलले गोल गरे । तर साउथह्याम्पटनका स्टुआर्ट आर्मस्ट्रङ र मिकेल ओबाफिमीले गोल गरेर खेल बराबरी गरेका हुन । ओबाफिमीले खेल सकिन दुई मिनेटअघि मात्रै गोल गर्दा म्यान्युका सपनामा गम्भिर धक्का लागेको हो ।

लेष्टर सिटी र चेल्सीलाई उछिनेर तेस्रो बन्ने म्यान्युको सपना साउथह्याप्टनले पूर्णविराम लगाईदियो । बराबरीपछि पाँचौ स्थानमै रहेको युनाईटेडको ५९ अंक छ । समान अंक भएपनि लेस्टर गोल अन्तरका आधारमा चौथो स्थानमा छ । साउथह्याम्टन ४५ अंक सहित १२ औं स्थानमा छ ।