च्याम्पियन्स लिग खेल्ने चेल्सीको सम्भावना बलियो

एजेन्सी । प्रिमियर लिग फुटबलमा चेल्सीले नर्विच सिटीलाई हराएको छ । घरेलु मैदानमा चेल्सीले तालिकाको पुछारमा रहेको नर्विच सिटीमाथि १–० को कठिन जित निकालेको हो ।

चेल्सीका लागि ओलिभर जिराउडले गरेको एक मात्रै गोल निर्णायक भयो । च्याम्पियन्स लिग छनोटको कठिन दौडमा रहेको चेल्सीलाई पछिल्लो जितले ठूलो राहत र आत्मविश्वास दिएको छ । प्राप्त जितले लण्डन क्लब अर्को सिजन च्याम्पियन्स लिग खेल्ने सम्भावनालाई बलियो बनाएको छ ।

चेल्सीले चौथो स्थानको लेस्टर सिटी र पाँचौं स्थानको म्यान्चेष्टर युनाईटेडसँग ४ अंकको अग्रता लिएको छ । चेल्सीलाई एक जितले च्याम्पियन्स लिगमा छनोट गराउनेछ ।